loginkerala
ന്യൂഡല്ഹി: ബ്രിക്സ് ഉച്ചകോടിയില് പങ്കെടുക്കുന്നതിനായി മൂന്ന് ദിവസത്തെ സന്ദര്ശനത്തിന് റഷ്യന് പ്രസിഡന്റ് വ്ളാദിമിര് പുടിന് ഇന്ത്യയിലെത്തി. പ്രധാനമന്ത്രി നരേന്ദ്ര മോദിയുമായി പുടിന് കൂടിക്കാഴ്ച നടത്തി. ഉഭയകക്ഷി വ്യാപാരം, നിക്ഷേപം, ഊര്ജ സഹകരണം എന്നിവ കൂടുതല് ശക്തിപ്പെടുത്തുന്നതടക്കമുള്ള വിഷയങ്ങള് ചര്ച്ചയാകും.
ഇന്ത്യ-റഷ്യ ബന്ധവും നിലവിലെ ആഗോള സാഹചര്യങ്ങളും കൂടിക്കാഴ്ചയില് പ്രധാന ചര്ച്ചയാകും. റഷ്യ-ഉക്രെയ്ന് സംഘര്ഷത്തിന്റെ നിലവിലെ സ്ഥിതിഗതികള് പുടിന് പ്രധാനമന്ത്രി മോദിയെ ധരിപ്പിക്കും.
പ്രതിരോധ സഹകരണത്തിനും ചര്ച്ചയില് പ്രധാന പ്രാധാന്യമുണ്ടാകും. നിലവിലുള്ളതും ഭാവിയിലേതുമായ പ്രതിരോധ പദ്ധതികള് സംബന്ധിച്ചും ഇരു നേതാക്കളും ചര്ച്ച നടത്തും. തന്ത്രപ്രധാന മേഖലകളിലെ സഹകരണം കൂടുതല് ശക്തിപ്പെടുത്തുന്നതിനുള്ള മാര്ഗങ്ങളും കൂടിക്കാഴ്ചയില് വിലയിരുത്തും.
ഉയര്ന്നതല പ്രതിനിധി സംഘത്തോടെയാണ് പുടിന് ഇന്ത്യയിലെത്തിയത്. ഇരു രാജ്യങ്ങളും തമ്മിലുള്ള തുടര്ച്ചയായ ഉന്നതതല ഇടപെടലുകളുടെ ഭാഗമായാണ് സന്ദര്ശനം. 2025 ഡിസംബറിലായിരുന്നു പുടിന്റെ അവസാന ഇന്ത്യാ സന്ദര്ശനം.
