loginkerala
തിരുവനന്തപുരം: വിയറ്റ്നാമിൽ ഉണ്ടായ ബോട്ടപകടത്തിൽ മരിച്ച കൊല്ലം കൊട്ടാരക്കര കിഴക്കേക്കര കൃപാ നഗറിലെ ആവിയോട്ട് ഹൗസിൽ എ.സി. തോമസിന്റെയും ഭാര്യ ലൗനി തോമസിന്റെയും മൃതദേഹങ്ങൾ ഇന്ന് രാവിലെ തിരുവനന്തപുരം അന്താരാഷ്ട്ര വിമാനത്താവളത്തിൽ എത്തിച്ചു.
മുംബൈയിൽ നിന്ന് രാവിലെ ഒമ്പത് മണിയോടെയാണ് മൃതദേഹങ്ങൾ പ്രത്യേക വിമാനത്തിൽ തിരുവനന്തപുരത്ത് എത്തിച്ചത്. വിമാനത്താവളത്തിൽ മന്ത്രിമാരായ പി.സി. വിഷ്ണുനാഥ്, സി.പി. ജോൺ, എംപി കൊടിക്കുന്നിൽ സുരേഷ് എന്നിവർ അന്തിമോപചാരം അർപ്പിച്ചു.
തുടർന്ന് മൃതദേഹങ്ങൾ സ്വദേശമായ കൊട്ടാരക്കരയിലേക്ക് കൊണ്ടുപോയി പൊതുദർശനത്തിനും സംസ്കാര ചടങ്ങുകൾക്കുമായി ഒരുക്കങ്ങൾ ആരംഭിച്ചു. വിയറ്റ്നാമിലെ വിനോദയാത്രയ്ക്കിടെ ഉണ്ടായ ബോട്ടപകടത്തിലാണ് ദമ്പതികൾ ദാരുണമായി മരിച്ചത്.
