കോഴിക്കോട്: കോഴിക്കോട് 9 വയസുകാരന് ഷിഗെല്ല സ്ഥിരീകരിച്ചു. പയ്യോളി തുറയൂർ പഞ്ചായത്തിലെ 13ാം വാർഡിലെ 9 വയസുകാരനാണ് രോഗം സ്ഥിരീകരിച്ചിരിക്കുന്നത്. കുട്ടിയുടെ ആരോഗ്യനില തൃപ്തികരമാണെന്നാണ് വിവരം.
ജില്ലയിൽ ഷിഗെല്ല കേസുകൾ വർധിച്ചു വരുന്ന സാഹചര്യത്തിൽ ജനങ്ങൾ ജാഗ്രത പാലിക്കണമെന്ന് ആരോഗ്യ വകുപ്പ് മുന്നറിയിപ്പ് നൽകിയിട്ടുണ്ട്. പഴകിയ ഭക്ഷണവും മോശം വെള്ളവും പൂർണമായി ഒഴിവാക്കണമെന്നും നിർദേശമുണ്ട്. രോഗം റിപ്പോർട്ട് ചെയ്ത ഇടങ്ങളിൽ ക്ലോറിനേഷൻ അടക്കമുള്ള പ്രതിരോധ പ്രവർത്തനങ്ങൾ തുടരുകയാണ്.
