loginkerala
സംസ്ഥാനത്ത് തിരുവോണം ബംപർ ലോട്ടറിക്ക് റെക്കോർഡ് വിൽപ്പന. അച്ചടിച്ച 90 ലക്ഷം ടിക്കറ്റുകളും പൂർണമായും വിറ്റുതീർന്നു. പാലക്കാട് ജില്ലയിലാണ് ഏറ്റവും കൂടുതൽ ടിക്കറ്റുകൾ വിറ്റത്. ഇവിടെ മാത്രം 20 ലക്ഷം ടിക്കറ്റുകളാണ് വിറ്റഴിച്ചത്.
നാളെ ഉച്ചയ്ക്ക് 1.30നാണ് തിരുവോണം ബംപർ നറുക്കെടുപ്പ്. 500 രൂപയാണ് ഒരു ടിക്കറ്റിന്റെ വില. സംസ്ഥാന ഭാഗ്യക്കുറി ചരിത്രത്തിൽ ആദ്യമായാണ് തിരുവോണം ബംപറിന്റെ ഒന്നാം സമ്മാനം 30 കോടി രൂപയായി ഉയർത്തുന്നത്. രണ്ടാം സമ്മാനം ഒരു കോടി രൂപ വീതമാണ്. മൂന്നാം സമ്മാനം 25 ലക്ഷം രൂപയും നാലാം സമ്മാനം 5 ലക്ഷം രൂപയും അഞ്ചാം സമ്മാനം 2 ലക്ഷം രൂപയുമാണ്.
ഇതിന് പുറമെ 5,000, 2,000, 1,000, 500 രൂപയുടെ നിരവധി സമ്മാനങ്ങളും വിജയികളെ കാത്തിരിക്കുന്നു.
സമ്മാനം ലഭിക്കുന്ന ടിക്കറ്റ് കൈവശമുള്ളവർ എത്രയും വേഗം അത് ലോട്ടറി വകുപ്പിന് സമർപ്പിക്കണം. ആവശ്യമായ നടപടിക്രമങ്ങൾ പൂർത്തിയാക്കി ബന്ധപ്പെട്ട രേഖകളോടൊപ്പം ടിക്കറ്റ് സമർപ്പിച്ചാൽ 15 മുതൽ 20 ദിവസത്തിനകം സമ്മാനത്തുക ബാങ്ക് അക്കൗണ്ടിൽ ലഭിക്കുമെന്നാണ് അറിയിപ്പ്.
