loginkerala
തിരുവനന്തപുരം: തദ്ദേശ തെരഞ്ഞെടുപ്പില് അപ്രതീക്ഷിത തിരിച്ചടികളാണ് ഉണ്ടായിരിക്കുന്നതെന്നും അവ പരിശോധിച്ച് ആവശ്യമായ തിരുത്തലുകൾ വരുത്തുമെന്നും സിപിഐ എം സംസ്ഥാന സെക്രട്ടറി എം വി ഗോവിന്ദൻ. ഇതിനുമുമ്പും തിരുത്തലുകള് വരുത്തിക്കൊണ്ടാണ് തിരിച്ചടികളെ അതിജീവിച്ച് ജനങ്ങളുടെ വിശ്വാസമാര്ജ്ജിച്ച് എല്ഡിഎഫ് മുന്നോട്ടുപോയിട്ടുള്ളത്.
എല്ഡിഎഫിന്റെ അടിത്തറയാകെ തകര്ന്നുപോയിരിക്കുന്നുവെന്ന തരത്തിൽ പ്രചരണം നടത്തുന്നതിൽ കാര്യമില്ലെന്നും അദ്ദേഹം കൂട്ടിച്ചേർത്തു. തിരിച്ചടികളെ ശരിയായ രീതിയില് പരിശോധിച്ച് മുന്നോട്ടുപോയതുകൊണ്ടാണ് പാര്ലമെന്റില് ഒരു സീറ്റ് ലഭിച്ച തെരഞ്ഞെടുപ്പിന് ശേഷം നടന്ന അസംബ്ലി തെരഞ്ഞെടുപ്പില് 68 സീറ്റ് ലഭിച്ചത്. അതുകൊണ്ട് പ്രചരണം നടത്തുന്ന ആളുകള് ഇത്തരമൊരു ചരിത്രം കൂടി ഓര്ക്കേണ്ടതുണ്ട്.
ഈ തെരഞ്ഞെടുപ്പില് എല്ലാ വര്ഗ്ഗീയ ശക്തികളുമായി രഹസ്യമായും, പരസ്യമായും നീക്കുപോക്കുകള് ഉണ്ടാക്കിക്കൊണ്ടാണ് യുഡിഎഫ് മത്സരിച്ചത്. എല്ഡിഎഫിനെ പരാജയപ്പെടുത്താന് ബിജെപി വോട്ടുകള് യുഡിഎഫിനും തിരിച്ച് യുഡിഎഫ് വോട്ടുകള് ബിജെപിക്കും ലഭിച്ച നിരവധി സംഭവങ്ങള് കാണാനുണ്ട്.
