loginkerala
മാഡ്രിഡ്: ഫിഫ ലോകകപ്പിൽ അർജന്റീനയെ തോൽപ്പിച്ച് രണ്ടാം ലോകകിരീടം സ്വന്തമാക്കിയ സ്പാനിഷ് ഫുട്ബോൾ ടീമിന് ജന്മനാട്ടിൽ ആവേശകരമായ സ്വീകരണം. മാഡ്രിഡിൽ നടന്ന വിജയാഘോഷങ്ങളിൽ 20 ലക്ഷത്തോളം ആരാധകർ പങ്കെടുത്തതായാണ് റിപ്പോർട്ട്.
തുറന്ന ബസിൽ നഗരമധ്യത്തിലൂടെ നടത്തിയ വിജയപര്യടനത്തിൽ താരങ്ങളെ വരവേൽക്കാൻ റോഡുകൾ നിറഞ്ഞു. തുടർന്ന് മാഡ്രിഡിന്റെ പ്രധാന സ്മാരകമായ പ്ലാസ ഡി സിബെലെസ് ചത്വരത്തിൽ നടന്ന ആഘോഷത്തിൽ ആരാധകർ വിജയത്തിന്റെ ആഹ്ലാദം പങ്കിട്ടു.
ലോകകപ്പ് കിരീടവുമായി നാട്ടിലെത്തിയ ടീമിനെ സ്പെയിൻ രാജാവ് ഫിലിപ്പ് ആറാമനും പ്രധാനമന്ത്രി പെഡ്രോ സാഞ്ചസും ചേർന്ന് ആദരിച്ചു. ഫൈനൽ മത്സരം ന്യൂജഴ്സിയിലെ സ്റ്റേഡിയത്തിൽ നേരിട്ടെത്തി കണ്ട ഇരുവരും താരങ്ങൾക്ക് പ്രത്യേക സ്വീകരണവും ഒരുക്കി.
ചടങ്ങിൽ സംസാരിച്ച രാജാവ് ഫിലിപ്പ് ആറാമൻ, ടീമിന്റെ ഐക്യവും കൂട്ടായ്മയും പോരാട്ടവീര്യവും സ്പെയിനിന്റെ വിജയത്തിന് അടിത്തറയായെന്ന് പ്രശംസിച്ചു. ലോകകപ്പ് നേട്ടം രാജ്യത്തിന്റെ കായികചരിത്രത്തിലെ അഭിമാന നിമിഷമാണെന്നും അദ്ദേഹം പറഞ്ഞു.
