loginkerala
തിരുവനന്തപുരം: സംസ്ഥാനത്ത് ഇന്ന് മൂന്ന് ജില്ലകളില് മഞ്ഞ ജാഗ്രത. കാസര്കോട്, കണ്ണൂര്, കോഴിക്കോട് എന്നീ ജില്ലകളിലാണ് ജാഗ്രതയുള്ളത്. നാളെ (ജൂലൈ ആറ്, തിങ്കള്) വടക്കന് കേരളത്തിലും മധ്യകേരളത്തിലും ശക്തമായ മഴക്ക് സാധ്യതയുണ്ടെന്നാണ് കാലാവസ്ഥാ കേന്ദ്രത്തിന്റെ പ്രവചനം.
ഈ സാഹചര്യത്തില് കണ്ണൂരും കാസര്കോട്ടും നാളെ ഓറഞ്ച് ജാഗ്രത പ്രഖ്യാപിച്ചിട്ടുണ്ട്. എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളില് മഞ്ഞ ജാഗ്രതാ മുന്നറിയിപ്പുണ്ട്.
ശക്തമായ കാറ്റിന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്ന് നിര്ദേശിച്ചിട്ടുണ്ട്.
