loginkerala
എക്സ് മെൻ’ സിനിമകളിലെ പ്രൊഫസർ ചാൾസ് സേവ്യർ എന്നീ കഥാപാത്രങ്ങളിലൂടെ ലോകമെമ്പാടും ആരാധകരെ സ്വന്തമാക്കിയ താരമാണ് വിടവാങ്ങിയത്. ലോസ് ഏഞ്ചൽസിലെ വസതിയിൽ ഒക്ടോബർ 28നായിരുന്നു അന്ത്യം. അൽഷിമേഴ്സ് രോഗവും ലെവി ബോഡി ഡിമെൻഷ്യയും ബാധിച്ചതിനെ തുടർന്നായിരുന്നു മരണം. കുടുംബത്തിന്റെ വക്താവാണ് സമൂഹമാധ്യമങ്ങളിലൂടെ മരണവിവരം സ്ഥിരീകരിച്ചത്.
1987ൽ ആരംഭിച്ച ‘സ്റ്റാർ ട്രെക്ക്: ദ നെക്സ്റ്റ് ജനറേഷൻ’ പരമ്പരയിലൂടെയാണ് പാട്രിക് സ്റ്റുവർട്ട് ആഗോളതലത്തിൽ ശ്രദ്ധേയനായത്. പിന്നീട് മാർവലിന്റെ ‘എക്സ് മെൻ’ സിനിമകളിൽ പ്രൊഫസർ ചാൾസ് സേവ്യറായി എത്തിയതോടെ ആരാധകവൃന്ദം കൂടുതൽ വിപുലമായി. വീൽചെയറിൽ കഴിയുന്ന കഥാപാത്രത്തെ അസാധാരണമായ അഭിനയമികവോടെയാണ് അദ്ദേഹം അവതരിപ്പിച്ചത്. ഇയാൻ മക്കെല്ലൻ അവതരിപ്പിച്ച മാഗ്നെറ്റോയുമായുള്ള രംഗങ്ങളും ഏറെ ശ്രദ്ധിക്കപ്പെട്ടു.
2017ൽ പുറത്തിറങ്ങിയ ‘ലോഗൻ’ എന്ന ചിത്രത്തിലെ വൈകാരിക പ്രകടനം നിരൂപക പ്രശംസ നേടി. സിനിമയ്ക്ക് പുറമെ നാടകവേദിയിലും ആറ് പതിറ്റാണ്ടിലേറെ നീണ്ടുനിന്ന കരിയറാണ് അദ്ദേഹത്തിന്റേത്. റോയൽ ഷേക്സ്പിയർ കമ്പനിയിലെ പ്രവർത്തനവും നിരവധി ക്ലാസിക് നാടകങ്ങളിലെ പ്രകടനങ്ങളും അദ്ദേഹത്തിന് വലിയ അംഗീകാരം നേടിക്കൊടുത്തു.
നാടക-ചലച്ചിത്ര മേഖലയിലെ സമഗ്ര സംഭാവനകൾ പരിഗണിച്ച് 2010ൽ എലിസബത്ത് രാജ്ഞി അദ്ദേഹത്തിന് സർ പദവി നൽകി ആദരിച്ചിരുന്നു. ടോണി, ഗോൾഡൻ ഗ്ലോബ്, എമ്മി, സ്ക്രീൻ ആക്ടേഴ്സ് ഗിൽഡ് പുരസ്കാരങ്ങൾക്കായും അദ്ദേഹം നാമനിർദേശം ചെയ്യപ്പെട്ടിട്ടുണ്ട്. അദ്ദേഹത്തിന്റെ വിയോഗത്തിൽ ഹോളിവുഡ് ലോകത്തുനിന്ന് നിരവധി പ്രമുഖർ അനുശോചനം അറിയിച്ചു.
