loginkerala
ചങ്ങനാശ്ശേരി: പെരുന്നയിലെ എൻഎസ്എസ് ആസ്ഥാനത്ത് നടക്കുന്ന മന്നം ജയന്തി ആഘോഷങ്ങളിൽ മുഖ്യമന്ത്രി വി.ഡി. സതീശൻ പങ്കെടുക്കും. അഞ്ച് വർഷത്തെ ഇടവേളയ്ക്കു ശേഷമാണ് മുഖ്യമന്ത്രി എൻഎസ്എസ് ആസ്ഥാനത്തെത്തുന്നത്.
മന്നം ജയന്തി ആഘോഷങ്ങളിലേക്ക് എൻഎസ്എസ് ജനറൽ സെക്രട്ടറി ജി. സുകുമാരൻ നായർ ഫോണിൽ വിളിച്ച് മുഖ്യമന്ത്രിയെ ക്ഷണിച്ചിരുന്നു. ക്ഷണം വി.ഡി. സതീശൻ സ്വീകരിക്കുകയും ചെയ്തു.
ജനുവരി ഒന്ന്, രണ്ട് തീയതികളിലാണ് പെരുന്നയിൽ മന്നം ജയന്തി ആഘോഷങ്ങൾ സംഘടിപ്പിക്കുന്നത്. രണ്ടാം തീയതി നടക്കുന്ന ജയന്തി സമ്മേളനം മുഖ്യമന്ത്രി ഉദ്ഘാടനം ചെയ്യും. ഒന്നാം തീയതി അഖില കേരള നായർ പ്രതിനിധി സമ്മേളനവും നടക്കും.
വി.ഡി. സതീശനും ജി. സുകുമാരൻ നായരും തമ്മിൽ നിലനിന്നിരുന്ന അഭിപ്രായവ്യത്യാസങ്ങൾ അവസാനിക്കുന്നതിന്റെ സൂചനയായാണ് ഈ സന്ദർശനം രാഷ്ട്രീയ വൃത്തങ്ങൾ വിലയിരുത്തുന്നത്.
