loginkerala
ന്യൂഡൽഹി: ജന്തർ മന്തറിൽ സമരം തുടരുന്നതിനിടെ സോനം വാങ്ചുക്കിനെ അധികൃതർ ആശുപത്രിയിലേക്ക് മാറ്റിയ സംഭവത്തെ തുടർന്ന് സിജെപി സ്ഥാപകൻ അഭീജിത് ദീപ്കെ അനിശ്ചിതകാല നിരാഹാര സമരം ആരംഭിച്ചതായി അറിയിച്ചു. സമൂഹമാധ്യമത്തിലൂടെയാണ് അദ്ദേഹം തന്റെ തീരുമാനം പങ്കുവെച്ചത്.
സോനം വാങ്ചുക്കിനെ സമരവേദിയിൽ നിന്ന് ബലമായി ആശുപത്രിയിലേക്ക് മാറ്റിയ നടപടിയിൽ പ്രതിഷേധിച്ചാണ് നിരാഹാര സമരം ആരംഭിച്ചതെന്ന് ദീപ്കെ വ്യക്തമാക്കി. പോലീസ് കരുതൽ തടങ്കലിലാക്കിയതിന് പിന്നാലെയാണ് അദ്ദേഹം സമരത്തിന് തുടക്കമിട്ടതെന്നും പോസ്റ്റിൽ സൂചിപ്പിച്ചു.
സംഭവവുമായി ബന്ധപ്പെട്ട് അധികൃതരുടെ ഭാഗത്തുനിന്നുള്ള ഔദ്യോഗിക വിശദീകരണം ലഭ്യമായിട്ടില്ല. വിഷയത്തിൽ കൂടുതൽ വിവരങ്ങൾ പുറത്തുവരാനുണ്ട്.
