loginkerala
കൊച്ചി: സിഎംആര്എല് -എക്സാലോജിക് ഇടപാട് കേസില് പ്രതിപക്ഷ നേതാവ് പിണറായി വിജയന്റെ മകള് ടി. വീണയെ ഇഡി ചോദ്യം ചെയ്യുന്നത് തുടരുന്നു. ഇന്ന് രാവിലെ 10.30 ഓടെയാണ് വീണ കൊച്ചിയിലെ ഇഡി ഓഫീസിലെത്തിയത്. ഇഡിയുടെ ചോദ്യം ചെയ്യല് അഞ്ചു മണിക്കൂര് പിന്നിട്ടിരിക്കുകയാണ്.
ഭര്ത്താവ് പി.എ. മുഹമ്മദ് റിയാസ് എംഎല്എക്കൊപ്പമാണ് വീണ ഇഡി ഓഫീസില് എത്തിയത്. കനത്ത സുരക്ഷയാണ് ഇഡി ഓഫീസിന് മുന്നില് ഒരുക്കിയിരിക്കുന്നത്. കഴിഞ്ഞ 12ന് ഹാജരാകാന് ഇഡി ആവശ്യപ്പെട്ടിരുന്നെങ്കിലും ആരോഗ്യപ്രശ്നങ്ങള് കാരണം ഹാജരാകാത്ത സാഹചര്യത്തില് 17ന് എത്താന് ഇഡി വീണ്ടും സമന്സ് അയക്കുകയായിരുന്നു.
