തിരുവനന്തപുരം: മന്ത്രി കെ ബി ഗണേഷ് കുമാറിനെതിരായ ഭാര്യയുടെ ആരോപണവുമായി ബന്ധപ്പെട്ടുള്ള വിവാദം ഒത്തുതീര്പ്പിലേയ്ക്ക്. ഗണേഷ് കുമാര് തന്നെ വിളിച്ച് മാപ്പ് പറഞ്ഞതായി ഭാര്യ ബിന്ദു മേനോന് പ്രതികരിച്ചതായി റിപ്പോർട്ടർ ടിവി വാർത്ത നൽകുന്നു. സംഭവത്തില് താന് പൊലീസില് പരാതി നല്കിയിട്ടില്ലെന്നും മാപ്പ് പറഞ്ഞ സ്ഥിതിക്ക് ഇനി മറ്റു ചര്ച്ചകളുടെ ആവശ്യമില്ലെന്നുമാണ് ബിന്ദു മേനോന്റെ നിലപാടെന്ന് ചാനൽ റിപ്പോർട്ട് ചെയ്യുന്നത്.
‘മന്ത്രിയുടെ ഒരു കോള് കാത്തിരുന്നു. തെറ്റ് ചെയ്താല് സോറി പറയണമല്ലോ. എന്നാല് അത് പ്രതീക്ഷിച്ചിരിക്കുമ്പോഴാണ് താന് 112വില് വിളിച്ചത് വട്ടുള്ളതുകൊണ്ടാണെന്ന് മന്ത്രി പറഞ്ഞത്. അതിനാലാണ് വൈകാരികമായി പ്രതികരിച്ചത്. ഇന്നലെ രാത്രിയോടെ മന്ത്രി വിളിച്ചു. ഞാന് ഫോണ് എടുക്കാത്തതിനാല് ഹസ്ബെന്റ് എന്റെ സിസ്റ്ററോട് സംസാരിച്ചു. തെറ്റുപറ്റിപ്പോയെന്ന് വളരെ വൈകാരികമായിട്ടാണ് പറഞ്ഞത്’, ബിന്ദു മേനോന് പറഞ്ഞു. നമുക്ക് തീര്ക്കാവുന്ന പ്രശ്നമേ ഉള്ളൂവെന്നും സംഭവിച്ചതില് ക്ഷമ ചോദിക്കുന്നുവെന്നും മന്ത്രി പറഞ്ഞതായി ബിന്ദു മേനോന് പറഞ്ഞു.
Leave feedback about this