കൊച്ചി :മഞ്ഞുമ്മൽ ബോയ്സ് സിനിമയുമായി ബന്ധപ്പെട്ട സാമ്പത്തിക തട്ടിപ്പ് കേസിൽ നടൻ സൗബിൻ ഷാഹിറിന്റെ ചോദ്യം ചെയ്യൽ തുടരുന്നു. മരട് പോലീസ് സ്റ്റേഷനിലാണ് നടപടികൾ . സൗബിൻ അടക്കമുള്ളവർ രാവിലെ സ്റ്റേഷനിൽ ഹാജരായി.ഇന്നലെയും ഇവർ ഹാജരായിരുന്നു .സിനിമയുടെ നിർമാണവുമായി ബന്ധപ്പെട്ട് പ്രതികൾ 40 ശതമാനം ലാഭവിഹിതം വാഗ്ദാനം ചെയ്തു ഏഴു കോടി രൂപ തട്ടിയെടുത്തുവെന്നാണ് കേസ് .
പരാതിക്കാരനു പണം മുഴുവൻ നൽകിയതാണെന്നാണ് സൗബിൻ പറയുന്നതു. ലാഭവിഹിതവും നൽകാൻ താൻ തയ്യാറാണെന്നും ലാഭവിഹിതം മാറ്റി വെച്ചിട്ടുണ്ടെന്നും സൗബിൻ പറയുന്നു. ലാഭവിഹിതം നൽകുന്നതിന് മുൻപേ തനിക്കെതിരെ പരാതിക്കാരൻ കേസ് കൊടുത്തു എന്നും സൗബിൻ പറയുന്നു .
ബാബു ഷാഹിർ, ആൻറണി എന്നിവർ ചോദ്യംചെയ്യലിന് ഹാജരാകണമെന്ന് മുൻകൂർ ജാമ്യം അനുവദിക്കുമ്പോൾ കോടതി നിർദേശിച്ചിരുന്നു .പ്രതികളെ കസ്റ്റഡിയിലെടുത്ത് ചോദ്യം ചെയ്യൽ ആവശ്യമില്ലെന്നും അറസ്റ്റ് ചെയ്ത് ജാമ്യത്തിൽ വിട്ടു അയക്കണമെന്നും കോടതിയുടെ നിർദേശമുണ്ട്. സിനിമയ്ക്കുവേണ്ടി 7 കോടി രൂപ നിക്ഷേപിച്ച തനിക്കു മുടക്കിയ തുകയും ലാഭ വിഹിതം നൽകിയില്ലെന്ന് കാണിച്ച് ആരോർ സ്വദേശി സിറാജ് നൽകിയ പരാതിയിലാണ് പോലീസ് കേസെടുത്ത് അന്വേഷണം ആരംഭിച്ചത്.
Leave feedback about this