loginkerala
ചെന്നൈ: ടി.വി.കെ. സർക്കാരിന്റെ ആദ്യ സമ്പൂർണ ബജറ്റ് ബുധനാഴ്ച രാവിലെ 10 മണിക്ക് നിയമസഭയിൽ ധനമന്ത്രി മരിയ വിൽസൺ അവതരിപ്പിക്കും. സ്ത്രീകൾക്ക് കൂടുതൽ ആനുകൂല്യങ്ങൾ ഉറപ്പാക്കുന്ന പ്രഖ്യാപനങ്ങളാകും ബജറ്റിന്റെ പ്രധാന ആകർഷണമെന്നാണ് സൂചന.
ഗൃഹനാഥകൾക്ക് നിലവിൽ നൽകുന്ന പ്രതിമാസ 1,000 രൂപ ധനസഹായം 2,500 രൂപയായി വർധിപ്പിക്കൽ, സംസ്ഥാനത്തെ എല്ലാ സർക്കാർ ബസുകളിലും സ്ത്രീകൾക്ക് സൗജന്യ യാത്ര, സ്ത്രീക്കൂട്ടായ്മകളുടെ നേതൃത്വത്തിൽ പ്രവർത്തിക്കുന്ന സംരംഭങ്ങൾക്ക് ബാങ്ക് വായ്പയുടെ പരിധി ഉയർത്തൽ എന്നിവ ടി.വി.കെ.യുടെ തിരഞ്ഞെടുപ്പ് വാഗ്ദാനങ്ങളിലുണ്ടായിരുന്ന പ്രധാന പ്രഖ്യാപനങ്ങളാണ്. ഇവയിൽ ചിലത് ബജറ്റിലൂടെ നടപ്പാക്കുമെന്ന പ്രതീക്ഷയിലാണ് ജനങ്ങൾ.
സംസ്ഥാനത്തിന്റെ വരുമാനം വർധിപ്പിക്കുന്നതിനുള്ള പുതിയ പദ്ധതികളും ബജറ്റിൽ പ്രഖ്യാപിക്കുമെന്നാണ് വിവരം. ടാസ്മാക് മദ്യവിൽപ്പനശാലകൾ സ്വകാര്യവത്കരിക്കുന്നതുമായി ബന്ധപ്പെട്ട പ്രഖ്യാപനവും ബജറ്റിൽ ഇടംപിടിച്ചേക്കും.
ഇതിന് പിന്നാലെ വ്യാഴാഴ്ച പ്രത്യേക കാർഷിക ബജറ്റും അവതരിപ്പിക്കും. സംസ്ഥാന ചരിത്രത്തിൽ ആദ്യമായാണ് കാർഷിക മേഖലയ്ക്കായി പ്രത്യേക ബജറ്റ് അവതരിപ്പിക്കുന്നത്.
അതേസമയം, കാവേരി ജലവിവാദവും ഉദയനിധി സ്റ്റാലിന്റെ അറസ്റ്റും സഭയിൽ ഉന്നയിച്ച് പ്രതിപക്ഷം ശക്തമായ പ്രതിഷേധം സംഘടിപ്പിക്കാനിടയുണ്ടെന്നാണ് സൂചന.
