loginkerala
കൊച്ചി: പ്രധാനമന്ത്രി നരേന്ദ്ര മോദിക്കെതിരെ രൂക്ഷ വിമർശനവുമായി സിജെപി സ്ഥാപകൻ അഭിജീത് ദീപ്കെ. അമേരിക്കൻ പ്രസിഡന്‍റ് ഡൊണാൾഡ് ട്രംപിന്‍റെ കളിപ്പാവയായി മോദി മാറിയെന്നും ട്രംപ് പറയുന്നതിനനുസരിച്ചാണ് പ്രധാനമന്ത്രി മുന്നോട്ടുപോകുന്നതെന്നും അദ്ദേഹം ആരോപിച്ചു. കൊച്ചിയിൽ സംഘടിപ്പിച്ച ജന്തർ മന്തർ @ കൊച്ചി പരിപാടിയിൽ സംസാരിക്കുകയായിരുന്നു അഭിജീത്.
സിജെപിക്ക് വിദേശ ഫണ്ട് ലഭിക്കുന്നുണ്ടെന്ന ബിജെപി ആരോപണത്തെയും അഭിജീത് ചോദ്യം ചെയ്തു. വിദേശ ഫണ്ട് ലഭിക്കുന്നത് സിജെപിക്കല്ല മോദിക്കാണ്. രാജ്യത്തെ വിറ്റത് മോദിയാണെന്നും ട്രംപിന് മുന്നിൽ കീഴടങ്ങിയ പ്രധാനമന്ത്രി ഇപ്പോൾ അദ്ദേഹത്തിന് വിധേയമായി പ്രവർത്തിക്കുകയാണ്. ട്രംപിന്‍റെ താരിഫ് ഭീഷണിക്ക് മുന്നിൽ മോദി കീഴടങ്ങി. എന്നിട്ടും സിജെപിക്ക് വിദേശ സംഭാവന ലഭിക്കുന്നുവെന്ന ആരോപണം ഉന്നയിക്കുന്നത് വിരോധാഭാസമാണ്.
