loginkerala
കൊച്ചി : കൊച്ചിയുടെ കിഴക്കന് മേഖലയിലേക്ക് അടക്കം സുഗമമമായ ഷോപ്പിങ്ങ് സാധ്യതകള് തുറന്ന് ലുലു ഡെയ്ലി ഇന്ന് മുതല് മരടിലെ പ്രസ്റ്റീജ് ഫോറം മാളില്. അരക്ഷത്തിലധികം ഉത്പന്നങ്ങളുടെ വിപുലമായ ശേഖരമാണ് ലുലു ഡെയ്ലിയില് ഒരുക്കിയിട്ടുള്ളത്. ദൈനംദിന ഉത്പ്പന്നങ്ങളുടെ വ്യത്യസ്ഥമായ ശ്രേണി, കാര്ഷിക മേഖലയില് നിന്ന് നേരിട്ട് സംഭരിച്ച പച്ചക്കറി, പഴം, പാല് ഉല്പ്പന്നങ്ങള് , ഇറച്ചി, മീന് സ്റ്റാളുകള് എന്നിവയും ഗ്രോസറി, ബേക്കറി സെക്ഷനുകള് അടക്കം പ്രത്യേകം സജ്ജീകരിച്ചിരിട്ടുണ്ട്.
ഇറക്കുമതി ചെയ്ത വിദേശഉല്പ്പന്നങ്ങളുടെ വ്യത്യസ്ഥ ശ്രംഖലയും ലുലു ഡെയ്ലിയിലുണ്ട്. വീട് – ഓഫീസ് ആവശ്യങ്ങള്ക്കുള്ള മുഴുവന് സ്റ്റേഷനറി സാധനങ്ങളും ഒരേ കുടക്കീഴില് അണിനിരത്തിയാണ് ലുലു ഡെയ്ലി ഉപഭോക്താക്കള്ക്കായി ഒരുങ്ങിയിരിക്കുന്നത്. ചൂടോടെ രുചികരമായ ഭക്ഷണം ലഭ്യമാകുന്ന പ്രത്യേകമായുള്ള വെജിറ്റേറിയന്, നോണ് വെജിറ്റേറിയന് അടുക്കളയും, റെഡി ടു ഈറ്റ് സ്റ്റാളുകളും സജ്ജീകരിച്ചിട്ടുണ്ട്.
ഉപഭോക്താക്കളുടെ താല്പര്യത്തിനനുസരിച്ചുള്ള ഉന്നത ഗുണനിലവാരമുള്ള വൈവിധ്യമാര്ന്ന ഉല്പന്നങ്ങളാണ് ഏറ്റവും ആകര്ഷകമായ വിലയില് ലഭ്യമാക്കിയിട്ടുള്ളത്. ഉദ്ഘാടനത്തോടനുബന്ധിച്ച് പ്രത്യേക ഓഫറുകളും ലുലു ഡെയ്ലിയില് ഉപഭോക്താക്കളെ കാത്തിരിക്കുന്നുണ്ട്. തൃപ്പൂണിത്തുറ അടക്കം എറണാകുളത്തിന്റെ കിഴക്കന് പ്രദേശങ്ങളിലുള്ളവര്ക്കും ഫോര്ട്ട്കൊച്ചി, അരൂര് പ്രദേശത്തുള്ളവര്ക്കും എളുപ്പത്തില് എത്തിചേരാന് കഴിയുന്നതാണ് ലുലുവിന്റെ മരടിലെ പുതിയ സ്റ്റോര്. വീട്ടാവശ്യങ്ങള്ക്കുള്ള എല്ലാ ഉല്പന്നങ്ങളും മികച്ച വിലയില് ലുലു ഡെയ്ലിയില് ലഭ്യമാണ്.
കൂടാതെ ബ്യൂട്ടി ആന്ഡ് വെല്നസ് വിഭാഗം, വിഭാഗമടക്കം സജ്ജീകരിച്ചിട്ടുണ്ട്. നവീനമായ ഹൈപ്പര്മാര്ക്കറ്റ് അനുഭവമാണ് ലുലു ഡെയ്ലിയുലുണ്ടാവുക. ഇന്ന് ഉദ്ഘാടനശേഷം ഉപഭോക്താകള്ക്ക് തുറന്നു കൊടുക്കുന്ന ലുലു ഡെയ്ലി എല്ലാ ദിവസവും രാവിലെ 9 മുതല് രാത്രി 11വരെയാണ് പ്രവര്ത്തിക്കുക.
