റോയല് എന്ഫീല്ഡിന്റെ ആദ്യ ഇലക്ട്രിക് ബൈക്ക് ഉടന് വരുന്നു. 2024 അവസാനത്തോടെ ബൈക്ക് നിരത്തിലെത്തും എന്നാണ് അറിയിച്ചിരിക്കുന്നത്. ‘ഇലക്ട്രിക് 01’ എന്ന കോഡുനാമത്തില് അറിയപ്പെടുന്ന ഇ-ബൈക്ക് നിലവില് അതിന്റെ പ്രാരംഭ വികസന ഘട്ടത്തിലാണ്. ഇതുകൂടാതെ, സ്പെയിന് ആസ്ഥാനമായുള്ള ഇവി ടൂ-വീലര് സ്റ്റാര്ട്ടപ്പായ സ്റ്റാര്ക്ക് ഫ്യൂച്ചര് SL-യുമായി സഹകരിച്ച് വികസിപ്പിക്കുന്ന ഒരു സമര്പ്പിത EV പ്ലാറ്റ്ഫോമിലും (‘L’ എന്ന കോഡ് നാമം) കമ്പനി പ്രവര്ത്തിക്കുന്നുണ്ട്. റോയല് എന്ഫീല്ഡിന്റെ മാതൃ കമ്പനിയായ ഐഷര് മോട്ടോഴ്സ് 2022 ഡിസംബറില് സ്റ്റാര്ക്ക് ഫ്യൂച്ചര് എസ്എല്ലില് നിക്ഷേപം നടത്തിയതിന്റെ ഭാഗമായിട്ടാണ് ഇത്.
