loginkerala
1197 പേർക്കാണ് ഇന്ന് കേരളത്തിൽ രോഗം സ്ഥിരീകരിച്ചത്. അഞ്ച് മരണവും ഇന്ന് റിപ്പോർട്ട് ചെയ്യപ്പെട്ടിട്ടുണ്ട്. 644 പേർ രോഗമുക്തി നേടുകയും ചെയ്തു
തിരുവനന്തപുരം: പ്രതിദിന കോവിഡ് കേസുകളിൽ വീണ്ടും വർദ്ധനവ്. ഇന്ന് ഏറ്റവും കൂടുതൽ കോവിഡ് കേസുകൾ റിപ്പോർട്ട് ചെയ്തത് കേരളത്തിൽ. 1197 പേർക്കാണ് ഇന്ന് കേരളത്തിൽ രോഗം സ്ഥിരീകരിച്ചത്. മാർച്ച് പതിനഞ്ചിന് ശേഷം കൊവിഡ് കേസുകൾ ആയിരം കടക്കുന്നത് ഇതാദ്യമായാണ്. അഞ്ച് മരണവും ഇന്ന് റിപ്പോർട്ട് ചെയ്യപ്പെട്ടിട്ടുണ്ട്. 644 പേർ രോഗമുക്തി നേടുകയും ചെയ്തു.
ഏപ്രിലിൽ കാര്യമായ വർദ്ധനവില്ലായിരുന്നെങ്കിലും മെയ് മാസം അവസാനത്തോടെ കോവിഡ് കേസുകൾ 1000 കടന്നിരിക്കുകയാണ്. ഈ മാസം ഒന്നാംതീയതി 250 പേർക്ക് മാത്രമായിരുന്ന കോവിഡ് മാസാവസാനമായതോടെ 1197ൽ എത്തി നിൽക്കുകയാണ്. ഇതോടെ സർക്കാർ വീണ്ടും ജാഗ്രത കടുപ്പിക്കുമെന്നാണ് വ്യക്തമാകുന്നത്.
