loginkerala
മലയാള സിനിമയിൽ നിന്ന് ഇന്ത്യൻ സിനിമാലോകത്തിന്റെ നെറുകയിലേക്ക് ചുവടുവെച്ച നടി മമിത ബൈജുവിന് അപൂർവ്വ ബോക്സ് ഓഫീസ് നേട്ടം. ഒരു കലണ്ടർ വർഷത്തിൽ 200 കോടി രൂപയിലധികം ആഗോള കളക്ഷൻ നേടിയ മൂന്ന് ചിത്രങ്ങളുടെ ഭാഗമായ മൂന്നാമത്തെ ഇന്ത്യൻ നടിയെന്ന റെക്കോർഡാണ് മമിത സ്വന്തമാക്കിയത്. ഇതിന് മുമ്പ് ബോളിവുഡ് താരങ്ങളായ ദീപിക പദുക്കോണും ആലിയ ഭട്ടുമാണ് ഈ നേട്ടം കൈവരിച്ചിട്ടുള്ളത്.
വെറും 23 ദിവസത്തിനുള്ളിലാണ് മമിത അഭിനയിച്ച മൂന്ന് ചിത്രങ്ങളും തിയേറ്ററുകളിലെത്തിയത് എന്നതാണ് നേട്ടത്തിന്റെ ശ്രദ്ധേയത. ജൂലൈ 23ന് റിലീസ് ചെയ്ത വിജയ് ചിത്രം ‘ജനനായകൻ’ ആഗോള ബോക്സ് ഓഫീസിൽ 324.38 കോടി രൂപ നേടി. പിന്നാലെ സ്വാതന്ത്ര്യദിന വാരാന്ത്യത്തിൽ എത്തിയ സൂര്യ ചിത്രം ‘വിശ്വനാഥ് ആന്റ് സൺസ്’ 203.26 കോടി രൂപയും സ്വന്തമാക്കി.
തുടർന്ന് ഓണം റിലീസായി എത്തിയ നിവിൻ പോളി ചിത്രം ‘ബെത്ലഹേം കുടുംബ യൂണിറ്റ്’ 238.05 കോടി രൂപ നേടി. ഇതോടെ മമിത ബൈജുവിന് 200 കോടി ക്ലബ്ബിലെത്തിയ മൂന്ന് ചിത്രങ്ങളുടെ ഭാഗമായെന്ന അപൂർവ്വ റെക്കോർഡും സ്വന്തമായി.
