ലുലു സ്റ്റൈൽ ഐക്കൺ പുരസ്കാരം ഏറ്റുവാങ്ങി നസ്ലിൻ;ലുലു ഫാഷൻ വീക്ക് പത്താം എഡിഷന് സമാപനം

• റാംപിൽ ചുവടുവച്ചത് താരനിര

കൊച്ചി: ലുലു ഫാഷൻ വീക്ക് പത്താം എഡിഷന്റെ സ്റ്റൈൽ ഐക്കൺ പുരസ്കാരം ഏറ്റുവാങ്ങി നടൻ നസ്ലിൻ. നാല് ദിവസം നീണ്ട ഫാഷൻ ഷോയ്ക്ക് താരപ്രഭയിൽ സമാപനമായി. സ്പോർട്ട്സ് അവതാരകനായ ഷൈജു ദാമോദറിന്റെ കമൻട്രിയോടെയാണ് നസ്ലിനെ ലുലു ഫാഷൻ വേദി സ്വീകരിച്ചത്. നസ്ലിനെ ലുലു കൊച്ചി ഡയറക്ടർ സാദിഖ് കാസിം പൊന്നാട ചാർത്തി. സ്റ്റൈൽ ഐക്കൺ പുരസ്കാരം ഷൈജു ദാമോദരനും ലുലു റീജണൽ ഡയറക്ടർ സുധീഷ് ചെരിയിലും, ലുലു മീഡിയ ഹെഡ് എൻബി സ്വരാജും ചേർന്ന് സമ്മാനിച്ചു.

ചടങ്ങിൽ വിവിധ റീട്ടെയിൽ ബ്രാൻഡുകൾക്കുള്ള പുരസ്കാരദാനവും അരങ്ങേറി. നാല് ദിവസമായി അരങ്ങേറിയ ഫാഷൻ വേദിയിൽ നടി മോക്ഷ, വിൻസി അലോഷ്യസ്, ​ഗോപിക രമേഷ്, ആൻസൺ പോൾ, സാധിക വേണു​ഗോപാൽ, പ്രാച്ചി തെഹ്ളാൻ, രാജിവ് പിള്ള, അഭിമന്യു ഷമ്മി തിലകൻ, ​ഗോവിന്ദ് പത്മസൂര്യ ,സുഭ്ര അയ്യപ്പ, ​ഗോകുൽ ​ഗണേഷ്, പാരീസ് ലക്ഷ്മി, നടനും മോഡലുമായ ആര്യൻ കദൂര്യ, അരുണിമ ജയൻ, അക്ഷയ് ബാബുരാജ്, ജിബിൻ ജോർജ് തുടങ്ങിയവർ ചുവടുവച്ചു. അന്താരാഷ്ട്ര ബ്രാൻഡുകൾ അണി നിരന്ന ഈ വർഷത്തെ ലുലു ഫാഷൻ വീക്ക് അവതരിപ്പിച്ചത് ബ്ലാക്ക് ബെറീസ് ആണ്. അമുക്തി, കില്ലർ എക്സ് എന്നീവരാണ് പവേർഡ് ബൈ പാർട്ട്ണേഴ്സ്.

പടം അടിക്കുറിപ്പ്:

പടം-1
ലുലു ഫാഷൻ വീക്ക് പുരസ്കാരം ഏറ്റുവാങ്ങി നസ്ലിൻ റാമ്പിൽ ചുവടുവച്ചപ്പോൾ.

പടം 2

ലുലു ഫാഷൻ വീക്ക് സ്റ്റൈൽ ഐക്കൺ പുരസ്കാരം നടൻ നസ്ലിന് ഷൈജു ദാമോദരനും ലുലു കൊച്ചി റീജണൽ ഡയറക്ടർ സുധീഷ് ചെരിയിലും മീഡിയ ഹെഡ് എൻ.ബി സ്വരാജും ചേർന്ന് സമ്മാനിക്കുന്നു. ലുലു കൊച്ചി ഡയറക്ടർ സാദിക് കാസിം സമീപം.

പടം 3
ലുലു ഫാഷൻ വീക്ക് സ്റ്റൈൽ ഐക്കൺ പുരസ്കാരം സ്വീകരിക്കാനെത്തിയ നടൻ നസ്ലിനെ ലുലു കൊച്ചി ഡയറക്ടർ സാദിക് കാസിം പൊന്നാട ചാർത്തിയപ്പോൾ.

പടം-4
ലുലു ഫാഷൻ വേദിയിൽ സിനിമാതാരങ്ങൾ ചുവടുവച്ചപ്പോൾ.