ചെന്നൈ: തമിഴ്നാട് നിയമസഭയിൽ മുൻ മുഖ്യമന്ത്രി എം.കെ. സ്റ്റാലിനെ അനുകരിച്ച് മുഖ്യമന്ത്രി സി. ജോസഫ് വിജയ്. നിയമസഭയിൽ ഗവർണറുടെ നയപ്രഖ്യാപന പ്രസംഗത്തിനുള്ള നന്ദി പ്രമേയത്തിൽ പ്രസംഗിച്ചതിനൊടുവിലാണ് വിജയ് മാസ് ആക്ഷൻ കൊണ്ട് സഭാ സാമാജികരെ കൈയിലെടുത്തത്. നന്ദി പ്രസംഗത്തിന്റെ അവസാനം സ്പീക്കർ ജെസിഡി പ്രഭാകറിനോട് പ്രത്യേക അനുമതി ആവശ്യപ്പെട്ടതിനു ശേഷമാണ് വിജയ് സ്റ്റാലിനെ അനുകരിച്ചു കൊണ്ട് കൈ കൊണ്ട് ആംഗ്യം കാണിച്ചത്.
എല്ലാം അവസാനിച്ചു, അല്ലെങ്കിൽ എല്ലാം ശരിയാക്കി എന്ന അർഥം വരുന്ന ആംഗ്യമാണ് വിജയ് അനുകരിച്ചത്. നിയമസഭാ തെരഞ്ഞെടുപ്പിന് മുൻപ് കോൺഗ്രസുമായി സീറ്റ് ചർച്ച നടത്തി തിരിച്ചു പോകുമ്പോൾ എം.കെ. സ്റ്റാലിൻ ഇതേ ആംഗ്യം കാണിച്ചിരുന്നു. കോൺഗ്രസുമായുള്ള സീറ്റ് ചർച്ചകളെ കുറിച്ച് ചോദിച്ചപ്പോഴാണ് സ്റ്റാലിൻ കൈ കൊണ്ട് ആംഗ്യം കാണിച്ചത്.
