മലപ്പുറം: കൊണ്ടോട്ടി കിഴിശ്ശേരിയിൽ അസം സ്വദേശിയായ യുവാവിനെ മറ്റൊരു അസം സ്വദേശി ഗുഡ്സ് ഓട്ടോ കയറ്റി കൊന്നു. ആദിൽ ഇസ്ലാമാണ് കൊല്ലപ്പെട്ടത്. പ്രതിയായ ഗുൽജാർ ഹുസൈനെ പോലീസ് പിടികൂടി. ബുധനാഴ്ച രാത്രി 10.15-ഓടെയാണ് സംഭവം. ചീട്ടുകളിയുമായി ബന്ധപ്പെട്ട സാമ്പത്തിക തർക്കമാണ് കൊലപാതകത്തിലേക്ക് നയിച്ചത്.
തർക്കത്തെ തുടർന്ന് ആദിലിനെ ഓട്ടോ ഉപയോഗിച്ച് ഇടിച്ചുവീഴ്ത്തുകയായിരുന്നു. മതിലിനോട് ചേർത്തുനിർത്തി വീണ്ടും ശശീരത്തിലൂടെ ഗുൽജാർ ഓട്ടോ കയറ്റിയിറക്കി. നാട്ടുകാരാണ് സംഭവം പോലീസിൽ അറിയിച്ചത്. ആദിലിനെ മഞ്ചേരി മെഡിക്കൽ കോളേജിൽ എത്തിച്ചെങ്കിലും മരിച്ചിരുന്നു. അരീക്കോട് വാവൂര് വെച്ച് വാഹനവുമായി കൊണ്ടോട്ടി പോലീസ് പ്രതിയെ പിടികൂടി.
പ്രതിയായ ഗുൽജാർ 20 വർഷത്തോളമായി കൊണ്ടോട്ടിയിൽ ജോലി ചെയ്തുവരികയാണ്. ആദിൽ ഇസ്ലാം അഞ്ചുവർഷമേ ആയിട്ടുള്ളു ജോലിക്കായി കൊണ്ടോട്ടിയിൽ എത്തിയിട്ട്. കുടുംബവുമായാണ് ഇരുവരും ഇവിടെ താമസിക്കുന്നത്.
Leave feedback about this