ഇസ്രയേൽ ഇറാനിൽ കനത്ത വ്യോമാക്രമണം നടത്തി, ഇതിന്റെ ഫലമായി ഇറാന്റെ തലസ്ഥാനമായ തെഹ്റാനിൽ വൻ സ്‌ഫോടനങ്ങൾ ഉണ്ടായി. ഇറാനിലെ പ്രധാന സൈനിക കേന്ദ്രങ്ങളാണ് ഈ ആക്രമണത്തിൽ ലക്ഷ്യം വച്ചത്. സ്‌ഫോടനത്തിൽ വലിയ തോതിൽ നാശനഷ്ടം സംഭവിച്ചതായി റിപ്പോർട്ടുകൾ സൂചിപ്പിക്കുന്നു, എങ്കിലും ആളപായം സംബന്ധിച്ച വിവരം ലഭ്യമായിട്ടില്ല.
ഇറാൻ ഒക്ടോബർ 1-ന് ഇസ്രയേലിനെ ലക്ഷ്യമാക്കി ബാലിസ്റ്റിക് മിസൈൽ ആക്രമണം നടത്തിയതിനെ തുടർന്നുള്ള പ്രതികരണമാണിതെന്ന് ഇസ്രയേൽ സൈന്യം അറിയിച്ചു. ഇന്ന് ഇറാൻ 200-ൽ അധികം മിസൈലുകൾ ഇസ്രയേലിനെ ലക്ഷ്യമാക്കി എത്തിച്ചുവെന്നാണ് റിപ്പോർട്ട്. “ഒരു പരമാധികാര രാജ്യത്തിന് സ്വയം പ്രതിരോധിക്കാനുള്ള അവകാശം ഉണ്ടെന്നും രാജ്യത്തെയും ജനങ്ങളെയും സംരക്ഷിക്കാൻ ആവശ്യമായ എല്ലാ നടപടികളും സ്വീകരിക്കുമെന്ന്” ഇസ്രയേൽ സൈന്യം പ്രസ്താവിച്ചു.
ഇസ്രയേൽ ആക്രമണത്തിന് മുമ്പ് വൈറ്റ് ഹൗസിനെ അറിയിച്ചതായി ഫോക്സ് ന്യൂസ് റിപ്പോർട്ട് ചെയ്യുന്നു. യഹൂദ രാഷ്ട്രത്തിനെതിരെ ഭീഷണി ഉയർത്തിയവർക്കു വലിയ വില നൽകേണ്ടിവരുമെന്ന ഇസ്രയേൽ പ്രതിരോധ മന്ത്രിയുടെ പ്രസ്താവനയ്ക്ക് പിന്നാലെയാണ് ഈ കനത്ത വ്യോമാക്രമണം ഉണ്ടായിരിക്കുന്നത്. 2023 ഒക്ടോബർ 7-ന് ഹമാസ് ഇസ്രയേലിനെതിരെ റോക്കറ്റ് ആക്രമണം നടത്തിയതോടെ മിഡിൽ ഈസ്റ്റ് മേഖലയിൽ യുദ്ധം ആരംഭിച്ചു. അതിനു ശേഷം പലസ്തീനിൽ ഇസ്രയേൽ നടത്തിയ പ്രത്യാക്രമണം വലിയ വെടിവെപ്പിനും നാശനഷ്ടങ്ങൾക്കും കാരണമായിരുന്നു. ഹിസ്ബുള്ളയെ ലക്ഷ്യമിട്ട് ഇസ്രയേൽ ലബനനിൽ തീവ്രപ്രതിരോധ നടപടികൾ സ്വീകരിച്ചതിന് പിന്നാലെയാണ് ഇറാൻ ഇസ്രയേലിനെതിരെ ആക്രമണം ആരംഭിച്ചത്.
Leave feedback about this