അഹമ്മദാബാദ് വിമാനാപകടത്തിൽ ഒരു യാത്രക്കാരൻ രക്ഷപ്പെട്ടതായി റിപ്പോർട്ട്; രമേശ് വിശ്വാസ് രക്ഷപ്പെട്ടത് എമർജൻസി എക്സിറ്റ് വഴി; 38 കാരനായ യാത്രികന് അത്ഭുത രക്ഷപ്പെടൽ

അ​ഹ​മ്മ​ദാ​ബാ​ദ്: ഗു​ജ​റാ​ത്തി​ലെ സ​ർ​ദാ​ർ വ​ല്ല​ഭാ​യ് പ​ട്ടേ​ൽ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ നി​ന്ന് പ​റ​ന്നു​യ​ർ​ന്ന് മി​നി​റ്റു​ക​ൾ​ക്കം ത​ക​ർ​ന്നു​വീ​ണ എ​യ​ർ ​ഇ​ന്ത്യ വി​മാ​ന​ത്തി​ലെ 242 യാത്രക്കാരിൽ ഒരാൾ രക്ഷപ്പെട്ടതായി ആശുപത്രി അധികൃതർ. ന്യൂസ് 18 ചാനലാണ് വാർത്ത റിപ്പോർട്ട് ചെയ്യുന്നത്. വി​മാ​ന​ത്തി​ലു​ണ്ടാ​യി​രു​ന്ന ജീ​വ​ന​ക്കാ​രു​ൾ​പ്പ​ടെ 241 പേ​രും മ​രി​ച്ച​താ​യി സ്ഥി​രീ​ക​രി​ച്ചു. ഗു​ജ​റാ​ത്ത് പോ​ലീ​സ് ആ​ണ് ഇ​ക്കാ​ര്യം അ​റി​യി​ച്ച​ത്.

169 ഇ​ന്ത്യ​ക്കാ​രും 53 യു​കെ പൗ​ര​ന്മാ​രും ഒ​രു ക​നേ​ഡി​യ​ന്‍ പൗ​ര​നും ഏ​ഴ് പോ​ര്‍​ച്ചു​ഗീ​സു​കാ​രും യാ​ത്ര​ക്കാ​രി​ലു​ള്‍​പ്പെ​ടു​ന്നു. വി​മാ​ന​ത്തി​ലു​ണ്ടാ​യി​രു​ന്ന ഗു​ജ​റാ​ത്ത് മു​ൻ മു​ഖ്യ​മ​ന്ത്രി വി​ജ​യ് രൂ​പാ​ണി​യും മ​രി​ച്ചു. രണ്ട് നവജാതശിശുക്കൾ ഉൾപ്പടെ 13 കുട്ടികളും മരിച്ചവരിൽ ഉൾപ്പെടുന്നുണ്ട്.

കൂ​ടാ​തെ, വി​മാ​നം ഇ​ടി​ച്ചി​റ​ങ്ങി​യ ബി​ജെ മെ​ഡി​ക്ക​ൽ കോ​ള​ജ് ഹോ​സ്റ്റ​ലി​ലെ അ​ഞ്ച് വി​ദ്യാ​ർ​ഥി​ക​ളും മ​രി​ച്ചു. 50 ഓ​ളം പേ​ർ​ക്ക് പ​രി​ക്കേ​റ്റി​ട്ടു​ണ്ട്. മ​രി​ച്ച​വ​രി​ൽ മ​ല​യാ​ളി​യും ഉ​ൾ​പ്പെ​ടു​ന്നു. പ​ത്ത​നം​തി​ട്ട തി​രു​വ​ല്ല പു​ല്ലാ​ട് സ്വ​ദേ​ശി​നി ര​ഞ്ജി​ത ഗോ​പ​കു​മാ​ർ ആ​ണ് മ​രി​ച്ച​ത്. ഇവരുടെ മരണം സംബന്ധിച്ച അറിയിപ്പ് പത്തനംതിട്ട ജില്ലാ ഭരണകൂടത്തിന് ലഭിച്ചു.