ന്യൂഡൽഹി: സുരക്ഷാ കാരണങ്ങൾ ചൂണ്ടിക്കാട്ടി ഡൽഹി സേക്രട്ട് ഹാർട്ട് കത്തീഡ്രൽ ദേവാലയത്തിന്‍റെ നേതൃത്വത്തിൽ ഓശാന ഞായറാഴ്ച നടത്തിയിരുന്ന കുരുത്തോല പ്രദക്ഷണത്തിന് പോലീസ് അനുമതി നിഷേധിച്ചു.
കഴിഞ്ഞ കുറെ വർഷങ്ങളായി ഓൾഡ് ഡൽഹിയിലെ സെന്‍റ് മേരീസ് ദേവാലയത്തിൽ നിന്നും സേക്രഡ് ഹാർട്ട് കത്തീഡ്രലിലേക്ക് ഓശാന ഞായറാഴ്ച വിശ്വാസികൾ കുരിശിന്‍റെ വഴി ചൊല്ലി പ്രദക്ഷണമായി എത്തുന്നത് പതിവായിരുന്നു. എന്നാൽ ഇന്ന് ഉച്ചയ്ക്ക് നടത്താനിരുന്ന പ്രദക്ഷണത്തിന് സുരക്ഷാ കാര്യങ്ങൾ ചൂണ്ടിക്കാട്ടി ഡൽഹി പോലീസ് അനുമതി നിഷേധിക്കുകയായിരുന്നു.
അനുമതി ലഭിക്കാത്തതിനെ തുടർന്ന് പള്ളി അങ്കണത്തിൽ വിശ്വാസികൾ പ്രദക്ഷണം നടത്തുമെന്ന് അറിയിച്ചു. കഴിഞ്ഞ വർഷവും സമാനമായി പ്രദക്ഷണം നടത്തുന്നതിന് അനുമതി നിഷേധിച്ചിരുന്നു. ഏകദേശം രണ്ടായിരത്തോളം വിശ്വാസികൾ പങ്കെടുക്കുന്ന കുരുത്തോല പ്രദക്ഷണത്തിന് ഡൽഹി പോലീസ് അനുമതി നിഷേധിച്ചത്.
Leave feedback about this