കണ്ണൂർ: സൗമ്യ വധക്കേസ് പ്രതി ഗോവിന്ദച്ചാമിയെ തൃശൂർ വിയ്യൂർ അതീവ സുരക്ഷാ ജയിലിലേക്ക് മാറ്റും. ജയിൽചാട്ടത്തിന് പിന്നാലെയാണ് നീക്കം. കോടതിയുടെ അനുമതി ലഭിച്ച ശേഷമായിരിക്കും നടപടി. ജയിൽ ചാടിയ സംഭവത്തിൽ ഗോവിന്ദച്ചാമിക്കെതിരേ കണ്ണൂർ ടൗൺ പോലീസ് കേസെടുത്തിരുന്നു.സംഭവത്തിൽ നാല് ജയിൽ ഉദ്യോഗസ്ഥർക്ക് സസ്പെൻഷൻ. അതീവസുരക്ഷാ മേഖലയിൽ നിന്ന് ഗോവിന്ദച്ചാമി എങ്ങനെ രക്ഷപ്പെട്ടു എന്നതാണ് പൊലീസ് അന്വേഷണം. ഒരു കൈ ഉപയോഗിച്ച് ഗോവിന്ദച്ചാമി എങ്ങനെ ജയിൽ ചാടി എന്നതാണ് ചോദ്യം. സംഭവത്തിൽ കണ്ണൂർ ടൗൺ പോലീസ് സ്റ്റേഷനിൽ കേസും രജിസ്ട്രർ ചെയ്തതായി കണ്ണൂർ എസ്. പി വ്യക്തമാക്കി. ഗോവിന്ദച്ചാമിയെ പിടികൂടിയത് സമൂഹത്തിന്റെ മുഴുവൻ ഉത്തരവാദിത്തമായി ഏറ്റെടുത്ത നാട്ടുകാർക്കും , പൊലീസിനിനും ജാഗ്രതയോടെ കൈകാര്യം ചെയ്ത മാധ്യമപ്രവർത്തകർക്കും നന്ദി അറിയിച്ചു. സംഭവത്തിലെ ജയിൽ വീഴ്ച കണ്ണൂർ റേഞ്ച് ഡി.െഎ.ജി അന്വേഷിക്കും.
കണ്ണൂര്‍ ഡിസിസി ഓഫീസിന് സമീപം ആളൊഴിഞ്ഞ വീട്ടിൽ നിന്നുമാണ് ഗോവിന്ദ ചാമിയെ പിടികൂടിയത്.ഇവിടെ ഇയാൾ ഒളിച്ചിരിപ്പുണ്ടെന്ന വിവരത്തെ തുടർന്നാണ് പോലീസ് ഇവിടെയെത്തിയത്. കിണറ്റിൽ ഒളിച്ചിരുന്ന പ്രതിയെ പോലീസും നാട്ടുകാരും ചേർന്ന് പിടികൂടുകയായിരുന്നു. പരിശോധനയിൽ പ്രതിയെ പിടികൂടുകയായിരുന്നു. ജയിലിൻരെ കുറ്റൻ മതിൽ ചാടിയാണ് ഗോവിന്ദച്ചാമി ഓടിയത്. പൊലീസ് നായയുടെ സഹായത്തോടെയാണ് പ്രതിയെ പൊലീസ് വലയിലാക്കിയത്.
ഇയാൾ പോയ സ്ഥലം മണം പിടിച്ചാണ് നായ സഞ്ചരിച്ചത്. കാട് നിറഞ്ഞ് പ്രദേശത്താണ് ഗോവിന്ദച്ചാമി ഒളിച്ചിരുന്നത്. രാവിലെ നാലേകാലോടെ ജയിൽ ചാടിയെന്നാണ് പൊലീസ് പറയുന്നത്. സംഭവത്തിൽ അന്വേഷണം വൈകിയെങ്കിലും പൊലീസ് നായയുടെ സഹായത്തോടെ ഗോവിന്ദച്ചാമിയെ പിടികൂടുകയായിരുന്നു. വാർത്തയാറിഞ്ഞ നാട്ടുകാർ തന്നെയാണ് പ്രതിയെ തിരിച്ചറിഞ്ഞത്. 9 മണിയോടെ നാട്ടുകാർ ഈയാളെ തിരിച്ചറിഞ്ഞത്. തുണി സ‍ഞ്ചി തലയിൽ വച്ച് നടക്കുകയായിരുന്നു ഇയാളെന്നാണ് ദൃക്സാക്ഷികൾ പറയുന്നത്.
