കൊച്ചി: വർണ പൂമ്പാറ്റകളെ പോലെ റാമ്പിൽ ചുവടുവച്ച് കുരുന്നുകൾ. കണ്ടു നിന്നവർക്കും മറക്കാനാവാത്ത നയനമനോഹര കാഴ്ച സമ്മാനിച്ച് ലുലു ഫ്‌ളർ ഫെസ്റ്റിന്റെ സമാപനം. പുഷ്‌പോത്സവത്തിന്റെ സമാപനമായി നടന്ന ലിറ്റിൽ പ്രിൻസ്, ലിറ്റിൽ പ്രിൻസസ് മത്സരത്തിൽ 59കുട്ടികളാണ് പങ്കെടുത്തത്. പുഷ്പ വൈവിധ്യങ്ങളുടെ ഭംഗിയും പ്രകൃതി സംരക്ഷണത്തിന്റെ ആവശ്യകതയും വിളിച്ചോതിക്കൊണ്ടാണ് ലുലു പുഷ്‌പോത്സവം സമാപിച്ചത്. പൂക്കളിൽ തിളങ്ങിയ കൊച്ചു സുന്ദരികളേയും സുന്ദരന്മാരേയും ഫാഷൻ ഷോ കാണാനെത്തിയ കാണികളും ഏറ്റെടുത്തു. ചിലർ ചിരിച്ചും കളിച്ചും, മാതാപിതാക്കളെ കാണാതെ കരഞ്ഞും, ജഡ്ജസിനെ ചിരിപ്പിച്ചും റാംപിൽ എത്തി.
(കൊച്ചി ലുലുമാളിൽ ലുലു ഫ്ളവർ ഫെസ്റ്റിനോടനുബന്ധിച്ചു നടന്ന ലുലു ലിറ്റിൽ, ലിറ്റിൽ പ്രിൻസസ് മത്സരത്തിലെ ജേതാക്കളായ ജോർദനും ലക്ഷ്മിയയ്ക്കും സിനിമാ താരങ്ങളായ കുഞ്ചാക്കോ ബോബനും പ്രിയമണിയും ചേർന്ന് ക്യാഷ് അവാർഡ് കൈമാറുന്നു. നടിമാരായ മീനാക്ഷി, ലയ മാമൻ, എ.ഐശ്വര്യ , ജൂനിയർ കില്ലർ സ്റ്റോർ മാനേജർ വി.എസ്. സുനിൽ , ലുലു ഇന്ത്യ മീഡിയ ഹെഡ് എൻ.ബി സ്വരാജ് തുടങ്ങിയവർ സമീപം.)
ലിറ്റിൽ പ്രിൻസായി എറണാകുളം വടുതല സ്വദേശികളായ ഷിജിൻ ജോസഫ്- ഫെനീറ്റ ദമ്പതികളുടെ മകൻ ജോർദനെ തിരഞ്ഞെടുത്തു. ലിറ്റിൽ പ്രിൻസസായി തൃശൂർ സ്വദേശികളായ അനൂപ് കുമാർ, രമ്യ അനൂപ് ദമ്പതികളുടെ മകൾ ലക്ഷ്മിയയെ പ്രഖ്യാപിച്ചു.
കൊച്ചി ലുലുമാളിൽ ലുലു ഫ്ളവർ ഫെസ്റ്റിനോടനുബന്ധിച്ചു നടന്ന ലുലു ലിറ്റിൽ പ്രിൻസ്-പ്രിൻസസ് മത്സരത്തിലെ വിജയികളുടെ റാംപ് വാക്കിനിടയിൽ ലിറ്റിൽ പ്രിൻസ് ജോർദന്റെ അഴിഞ്ഞു വീണ സാഷെ നടൻ കുഞ്ചാക്കോ ബോബൻ ശരിയാക്കുന്നു. ലിറ്റിൽ പ്രിൻസസ് ലക്ഷ്മിയ, ലുലു ഇന്ത്യ മീഡിയ ഹെഡ് എൻ.ബി സ്വരാജ് എന്നിവർ സമീപം.
സിനിമാ താരങ്ങളായ മീനാക്ഷി, ലയ മാമൻ, ഐശ്വര്യ എ എന്നിവർ അടങ്ങിയ മൂന്നംഗ ജൂറിയായിരുന്നു വിധി കർത്താക്കൾ. വിവിധ ഘട്ടങ്ങളായുള്ള റാംപ് വാക്കിന് ശേഷമാണ് വിജയിതാക്കളെ പ്രഖ്യാപിച്ചത്. വിജയികൾക്ക് സിനിമാ താരങ്ങളായ കുഞ്ചാക്കോ ബോബനും പ്രിയമണിയും ചേർന്ന് പ്രശസ്തി ഫലകവും ക്യാഷ് അവാർഡും കൈമാറി.
(കൊച്ചി ലുലുമാളിൽ ലുലു ഫ്ളവർ ഫെസ്റ്റിനോടനുബന്ധിച്ചു നടന്ന ലുലു ലിറ്റിൽ, ലിറ്റിൽ പ്രിൻസസ് മത്സരത്തിൽ പങ്കെടുത്ത കുട്ടികൾ കൂട്ടത്തോടെ റാംപ് വാക്കിനെത്തിയപ്പോൾ വിധികർത്താക്കളായ നടി മീനാക്ഷി, ലയ മാമൻ, എ.ഐശ്വര്യ എന്നിവർ സമീപം.)
ചടങ്ങിൽ ലുലുമാൾ ജനറൽ മാനേജർ വിഷ്ണു രഘുനാഥ്, ലുലു ഇന്ത്യ മീഡിയ ഹെഡ് എൻ.ബി സ്വരാജ്, ലുലുഹൈപ്പർ ജനറൽ മാനേജർ ജോ പൈനേടത്ത്, മൂഹമ്മദ് യൂനസ്, ഓപ്പറേഷൻസ് മാനേജർ ഒ. സുകുമാരൻ, സെക്യൂരിറ്റി മാനേജർ കെ.ആർ. ബിജു, ജൂനിയർ കില്ലർ സ്റ്റോർ മാനേജർ വി.എസ്. സുനിൽ തുടങ്ങിയവർ പങ്കെടുത്തു.
(കൊച്ചി ലുലുമാളിൽ ലുലു ഫ്ളവർ ഫെസ്റ്റിനോടനുബന്ധിച്ചു നടന്ന ലുലു ലിറ്റിൽ, ലിറ്റിൽ പ്രിൻസസ് മത്സരത്തിലെ ജേതാക്കളായ ജോർദനും ലക്ഷ്മിയയും റാമ്പിലെത്തിയപ്പോൾ.)
പുതുമയും പഴമയും സമ്മേളിക്കുന്ന വേദിയായിട്ടാണ് ലുലു ഫ്ളവർ ഫെസ്റ്റ് മാറിയത്. പ്രകൃതി സൗന്ദര്യം, പുഷ്പങ്ങളിലെ വ്യത്യസ്തകൾ, ഫല സസ്യ വൈവിധ്യങ്ങൾ എന്നിവ പരിചയപ്പെടുത്തുന്നതായിരുന്നു ലുലുമാളിലെ പുഷ്പപ്രദർശനം.
y
