വയനാട്: ഡിസിസി ട്രഷറർ എൻ.എം.വിജയന്‍റെ മരണവുമായി ബന്ധപ്പെട്ട് തങ്ങൾക്ക് യാതൊരു ബന്ധവുമില്ലെന്ന് ഐ.സി.ബാലകൃഷ്ണന്‍ എംഎൽഎ. കേസിൽ പ്രതിചേർക്കപ്പെട്ടതിനു പിന്നാലെ താൻ ഒളിവിൽ പോയിട്ടില്ലെന്നും അദ്ദേഹം പറഞ്ഞു.
സുഹൃത്തിന്‍റെ മകളുടെ വിവാഹത്തിന് പങ്കെടുക്കാൻ കർണാടകയിലാണ്. രണ്ടു ദിവസത്തിനകം തിരിച്ചെത്തും. ഒളിവിലാണ് എന്ന വാർത്തകൾ തെറ്റാണ്. നടക്കുന്നത് സിപിഎം വേട്ടയാണെന്നും ഐ.സി.ബാലകൃഷ്ണന്‍ പറഞ്ഞു.
വിജയന്‍റെ മരണത്തിൽ പ്രതിചേ‍ർക്കപ്പെട്ട കോൺഗ്രസ് നേതാക്കളെ ജനുവരി 15 വരെ അറസ്റ്റ് ചെയ്യരുതെന്ന് കോടതി വാക്കാൻ നിർദ്ദേശം നൽകി. വയനാട് പ്രിൻസിപ്പൽ സെഷൻസ് കോടതിയുടേതാണ് നിർദ്ദേശം.
