ന്യൂഡൽഹി: ഡൽഹിയിലെ സ്കൂളുകൾക്ക് വീണ്ടും ബോംബ് ഭീഷണി. അഞ്ചു സ്കൂളുകൾക്ക് ഇന്ന് ബോംബ് ഭീഷണി സന്ദേശം ലഭിച്ചു.തുടർന്ന് വിദ്യാർഥികളെയും ജീവനക്കാരെയും സ്കൂളുകളിൽ നിന്ന് ഒഴിപ്പിച്ചു. ബോംബ് സ്ക്വാഡിന്‍റെ നേതൃത്വത്തിൽ പരിശോധന നടക്കുകയാണ്. നാല് ദിവസത്തിനുള്ളിലെ മൂന്നാമത്തെ സംഭവമാണിത്.
പ്രസാദ് നഗറിലെ ആന്ധ്രാ സ്കൂൾ, ബിജിഎസ് ഇന്‍റർനാഷണൽ സ്കൂൾ, റാവു മാൻ സിംഗ് സ്കൂൾ, കോൺവെന്‍റ് സ്കൂൾ, മാക്സ് ഫോർട്ട് സ്കൂൾ, ദ്വാരകയിലെ ഇന്ദ്രപ്രസ്ഥ ഇന്‍റർനാഷണൽ സ്കൂൾ എന്നിവയാണ് ബോംബ് ഭീഷണി ലഭിച്ച സ്കൂളുകൾ.
രാജ്യതലസ്ഥാനത്തെ സ്കൂളുകൾക്ക് ബോംബ് ഭീഷണി ലഭിക്കുന്നത് പതിവാണ്. ഇക്കഴിഞ്ഞ 18നാണ് അവസാനമായി ഡൽഹിയിലെ സ്കൂളിൽ ബോംബ് ഭീഷണിയുണ്ടാകുന്നത്.
Leave feedback about this