സി.ഐഎസ്.എഫ് ഉദ്യോ​ഗസ്ഥർ സ‍ഞ്ചരിച്ച വാഹനം മറിഞ്ഞ് അപകടം; 15 പേർക്ക് പരിക്ക്; രണ്ട് പേരുടെ നില ​ഗുരുതരം

കൊച്ചി: സി.ഐഎസ്.എഫ് ഉദ്യോ​ഗസ്ഥർ സ‍ഞ്ചരിച്ച വാഹനം മറിഞ്ഞ് അപകടം. 15 പേർക്ക് പരിക്കേറ്റു. രണ്ട് ഉദ്യോ​ഗസ്ഥരുടെ നില ​ഗുരതരമാണ്. വിമാനത്താവള ഡ്യൂട്ടിക്കായി പോകവെയാണ് ​ഗോൾഫ് ക്ലബിന് സമീപത്ത് വച്ച് വാഹനം അപകടത്തിൽപ്പെടുന്നത്. കരിയാട് നിന്നും നെടുമ്പാശ്ശേരി വിമാനത്താവളത്തിലേക്ക് പോകവെയാണ് ടെമ്പോ ട്രാവലർ നിയന്ത്രണം വിട്ട് മറിയുന്നത്. വിമാനത്താവളത്തിന് ഒരു കിലോമീറ്റർ മുന്നേയായിരുന്നു അപകടം. നാട്ടുകാർ ചേർന്ന് ഉടൻ തന്നെ രക്ഷാപ്രവർത്തനം ഊർജിതമാക്കുകയും ഉദ്യോ​ഗസ്ഥരെ സമീപത്തെ സ്വകാര്യ ആശുപത്രിയിലേക്ക് മാറ്റുകയും ചെയ്തു.