യുഎഇയിലെ റീട്ടെയ്ൽ മേഖല 15 ശതമാനത്തിലേറെ വളർച്ച നേടുമെന്നും തൊഴിൽ അവസരം വർധിക്കുമെന്നും ലുലു ​ഗ്രൂപ്പ് ചെയർമാൻ എം.എ യൂസഫലി

അബുദാബി : ഉപഭോക്താക്കളുടെ മാറുന്ന ഷോപ്പിങ്ങ് രീതികൾക്കൊപ്പം സഞ്ചരിക്കുകയാണ് ഇന്ന് റീട്ടെയ്ൽ മേഖലയെന്ന് ലുലു ​ഗ്രൂപ്പ് ചെയർമാൻ എം.എ യൂസഫലി. യുഎഇയിലെ റീട്ടെയ്ൽ മേഖലയിൽ ഈ വർഷം 15 ശതമാനത്തിലേറെ വളർച്ചയുണ്ടാകും. യുഎഇയുടെ മികച്ച ഭരണ നേതൃത്വത്തിന്റെ ദീർഘവീക്ഷണമുള്ള നയങ്ങൾ സുസ്ഥിരമായ സാമ്പത്തിക വളർച്ചയാണ് ഉറപ്പാക്കുന്നത്. വിവിധ രാജ്യങ്ങളുമായുള്ള മികച്ച വ്യാപാരപങ്കാളിത്വവും പദ്ധതികളും യുഎഇയുടെ വളർച്ച അതിവേ​ഗത്തിലാക്കും. അഞ്ച് ശതമാനത്തിലേറെ സാമ്പത്തിക വളർച്ച ഈ വർഷമുണ്ടാകും. ഇ കോമേഴ്സ് രം​ഗത്തും ഓൺലൈൻ ഷോപ്പിങ്ങിനും കൂടുതൽ അവസരങ്ങളുടെ കാലമെന്നും അദേഹം വ്യക്തമാക്കി. പ്രമുഖ അറബ് മാധ്യമമായ അൽ എത്തി​ഹാദിന് നൽകിയ അഭിമുഖത്തിലാണ് എം.എ യൂസഫലിയുടെ പ്രതികരണം.

ജിസിസിയിലെ മുൻനിര റീട്ടെയ്ൽ ബ്രാൻഡ് എന്ന നിലയിൽ ലുലു ​ഗ്രൂപ്പ് കഴിഞ്ഞ വർഷത്തെ അപേക്ഷിച്ച് വരുമാനത്തിൽ 15 ശതമാനം വർധനവും ലാഭത്തിൽ 20ശതമാനം അധിക വളർച്ചയും രേഖപ്പെടുത്തുമെന്ന് എം.എ യൂസഫലി പറഞ്ഞു. ഇത്തവണത്തെ റമദാൻ കാലയളവിൽ 9 ശതമാനത്തിലേറെ വരുമാനം ലുലു ​ഗ്രൂപ്പിന് വർധിച്ചു. ​ഗ്രൂപ്പിന്റെ ​ലോകമെമ്പാടുമുള്ള ​ഭക്ഷ്യസംസ്കരണ കയറ്റുമതി കേന്ദ്രങ്ങളിലുടെ ഉത്പന്നങ്ങളുടെ സു​ഗമമായ ലഭ്യതയാണ് ഉപഭോക്താകൾക്ക് ലുലു ലഭ്യമാക്കിയത്. യുഎഇ സാമ്പത്തിക മന്ത്രാലയവുമായി സഹകരിച്ച് വിലസ്ഥിരത ഉറപ്പാക്കി മികച്ച ഷോപ്പിങ്ങ് അനുഭവം കൂടിയാണ് റമദാൻ സമയത്ത് ലുലു ഉപഭോക്താകൾക്ക് നൽകിയത്.

ഓൺലൈൻ വ്യാപാര രം​ഗത്തും വിപുലമായ സാധ്യതകളുടെ സമയെമന്ന് അദേഹം ചൂണ്ടികാട്ടി. ഇ കൊമേഴ്സ് രം​ഗത്ത് 40 ശതമാനത്തോളം വളർച്ച പ്രതീക്ഷിക്കുന്നു. ലുലുവിന്റെ ഇ ഓൺലൈൻ പ്ലാറ്റ്ഫോമുകളിൽ അടക്കം ഉപഭോകാതക്കളുടെ മികച്ച പങ്കാളിത്വമാണ് ഉള്ളത്. കൂടുതൽ വികസന പദ്ധതികളും ലുലു നടപ്പാക്കുകയാണ്. അബിദാബിയിൽ ഉൾപ്പടെ ന​ഗരാതിർത്തികളിലേക്കും ലുലുവിന്റെ സേവനം വിപുലീകരിക്കുകയാണ്. യുഎഇക്ക് പുറമേ കുവൈറ്റ്, സൗദി അറേബ്യ, ബഹ്റൈൻ, ഖത്തർ, ഒമാൻ എന്നിവടങ്ങളിലായി വിപുലമായ വികസന പദ്ധതികളാണ് ​ഗ്രൂപ്പ് നടപ്പാക്കുന്നത്. ഈജിപ്റ്റിലും റീട്ടെയ്ൽ സേവനം വർധിപ്പിക്കാനുള്ള നീക്കത്തിലാണ് ​ലുലു. മൂന്ന് വർഷത്തിനകം മൊറോക്കോ, ജോർദ്ദാൻ, ഇറാഖ് വിപണികളിലും ലുലു കൂടുതൽ സജീവമാകും. യുഎഇയിലെ 111 സ്റ്റോറുകൾ അടക്കം ​ഗൾഫ് മേഖലയിൽ 253 സ്റ്റോറുകളാണ് ലുലുവിന് ഉള്ളത്. വരുന്ന വർഷം യുഎഇയിൽ 23 പുതിയ സ്റ്റോറുകൾ അടക്കം ​ഗൾഫിൽ 46 പുതിയ സ്റ്റോറുകൾ യാഥാർത്ഥ്യമാകും. പ്രാദേശിക ജനതയ്ക്ക് അടക്കം കൂടുതൽ തൊഴിലവസരം കൂടി ലുലു ഉറപ്പാക്കുന്നത്.