മലപ്പുറം: മുഖ്യമന്ത്രി പിണറായി വിജയനെ കരിങ്കൊടികാണിച്ചയാളെ പോലീസ് അറസ്റ്റ് ചെയ്തു. എടക്കരയില്‍ വച്ചുണ്ടായ സംഭവത്തിൽ വഴിക്കടവ് സ്വദേശി ഫൈസലിനെയാണ് പോലീസ് കസ്റ്റഡിയിലെടുത്തത്.
എല്‍ഡിഎഫിന്‍റെ തെരഞ്ഞെടുപ്പ് കണ്‍വെന്‍ഷനില്‍ സംസാരിച്ച് മടങ്ങുന്നതിനിടെയാണ് മുഖ്യമന്ത്രിക്കുനേരേ ഫൈസല്‍ കരിങ്കൊടി കാണിച്ചത്. മുഖ്യമന്ത്രി വേദിയില്‍നിന്നിറങ്ങി വാഹനത്തില്‍ കയറിയതിന് പിന്നാലെയായിരുന്നു സംഭവം.
തുടർന്ന് പോലീസ് ഇയാളെ കസ്റ്റഡിയിലെടുക്കുകയായിരുന്നു. അതേസമയം താന്‍ ഏതെങ്കിലും പാര്‍ട്ടിയുടെ പ്രവര്‍ത്തകനല്ലെന്നും നിലവിലെ വ്യവസ്ഥിതിയില്‍ പ്രതിഷേധിച്ചാണ് കരിങ്കൊടി കാണിച്ചതെന്നും ഫൈസൽ മൊഴി നൽകി.
Leave feedback about this