ന്യൂഡല്‍ഹി: കേരള ഗവര്‍ണര്‍ ആരിഫ് മുഹമ്മദ് ഖാനെ തല്‍സ്ഥാനത് നിന്ന് മാറ്റി. ബിഹാറിലേയ്ക്കാണ് മാറ്റം. നിലവിലെ ബിഹാര്‍ ഗവര്‍ണര്‍ രാജേന്ദ്ര വിശ്വനാഥ് അര്‍ലേക്കര്‍ കേരളത്തിന്റെ ഗവര്‍ണറായെത്തും. മിസോറാം ഗവര്‍ണര്‍ ഡോ. ഹരി ബാബുവിനെ ഒഡിഷ ഗവര്‍ണറായി നിയമിച്ചു. ജനറല്‍ വിജയ് കുമാര്‍ സിങ്ങ് മിസോറാം ഗവര്‍ണറാവും. അജയ് കുമാര്‍ ഭല്ലയാണ് മണിപ്പൂരിന്റെ പുതിയ ഗവര്‍ണര്‍.
കഴിഞ്ഞ സെപ്തംബര്‍ അഞ്ചിനാണ് ആരിഫ് മുഹമ്മദ് ഖാന് ഗവര്‍ണര്‍ സ്ഥാനത്ത് അഞ്ച് വര്‍ഷം പൂര്‍ത്തിയാക്കിയത്. മുഖ്യമന്ത്രി പിണറായി വിജയനുമായും എല്‍.ഡി.എഫ് സര്‍ക്കാറുമായും നല്ല ബന്ധത്തിലായിരുന്നില്ല ആരിഫ് മുഹമ്മദ് ഖാന്. നയമസഭ പാസാക്കിയ ബില്ലുകളിലെ ഒപ്പിടലില്‍ തുടങ്ങി വി.സി നിയമനം വരെയുള്ള വിഷയങ്ങളില്‍ സര്‍ക്കാറുമായി ഏറ്റമുട്ടലും കേസും ഉണ്ടായിരുന്നു.
തന്നെ കരിങ്കൊടി കാണിച്ച എസ്.എഫ്.ഐ വിദ്യാര്‍ഥി സംഘടനയല്ല, ക്രിമിനല്‍ സംഘമാണെന്നും ഗവര്‍ണര്‍ ആരോപിച്ചു. പൊലീസിനെ സ്വതന്ത്രമായി പ്രവര്‍ത്തിക്കാന്‍ മുഖ്യമന്ത്രി അനുവദിക്കുന്നില്ലെന്നും ഗവര്‍ണര്‍ കുറ്റപ്പെടുത്തിയിരുന്നു.