ക​പ്പ​ലി​ലെ തീ​യു​ടെ തീ​വ്ര​ത കു​റ​ഞ്ഞു; കാ​ണാ​താ​യ​വ​ര്‍​ക്കാ​യി തി​ര​ച്ചി​ല്‍ തു​ട​രു​ന്നു

കോ​ഴി​ക്കോ​ട്: ബേ​പ്പൂ​രി​ന​ടു​ത്ത് പു​റം​ക​ട​ലി​ൽ ക​ത്തി​യ ‘വാ​ൻ​ഹാ​യ്‌ 503’ ച​ര​ക്കു​ക​പ്പ​ലി​ലെ തീ ​ര​ണ്ടാം ദി​വ​സ​വും അ​ണ​യ്‌​ക്കാ​നാ​യി​ല്ല. അ​തേ​സ​മ​യം തീ​യു​ടെ തീ​വ്ര​ത കു​റ​ഞ്ഞി​ട്ടു​ണ്ടെ​ങ്കി​ലും പു​ക​യ്ക്ക് അ​ല്​പം പോ​ലും ശ​മ​ന​മാ​യി​ട്ടി​ല്ല.

കൂ​ടു​ത​ൽ ക​ണ്ടെ​യ്ന​റു​ക​ളി​ലേ​ക്ക്‌ തീ ​പ​ട​ർ​ന്ന​തോ​ടെ ക​ട​ലി​ൽ ക​പ്പ​ൽ ക​ത്തി​കൊ​ണ്ടി​രി​ക്കു​ക​യാ​ണ്. തീ​യും പൊ​ട്ടി​ത്തെ​റി​യും കാ​ര​ണം ക​പ്പ​ൽ ഇ​ട​തു​വ​ശ​ത്തേ​ക്ക്‌ ചെ​രി​യു​ന്നു​ണ്ട്‌. പ​ത്ത്‌ മു​ത​ൽ 15 ഡി​ഗ്രി വ​രെ ചെ​രി​വാ​ണ് ക​പ്പ​ലി​നു​ള്ള​ത്‌. ഇ​ത്‌ അ​പ​ക​ട​ക​ര​മാ​യ അ​വ​സ്ഥ​യ​ല്ലെ​ന്നാ​ണ് നാ​വി​ക​സേ​ന അ​ധി​കൃ​ത​ർ പ​റ​യു​ന്ന​ത്‌.

ഇ​ന്ധ​ന​ടാ​ങ്കി​ലേ​ക്ക് തീ​പ​ട​ര്‍​ന്നാ​ല്‍ സ്ഥി​തി കൂ​ടു​ത​ല്‍ ദു​ഷ്‌​ക​ര​മാ​കും. ര​ണ്ടാ​യി​രം ട​ണ്‍ ഡീ​സ​ല്‍ ടാ​ങ്കി​ലു​ണ്ടെ​ന്നാ​ണ് വി​വ​രം. കാ​ണാ​താ​യ നാ​ലു​പേ​രെ കു​റി​ച്ച് ഇ​തു​വ​രെ വി​വ​രം ല​ഭ്യ​മാ​യി​ട്ടി​ല്ലെ​ന്നും തെ​ര​ച്ചി​ല്‍ തു​ട​രു​ക​യാ​ണെ​ന്നും നാ​വി​ക​സേ​ന പി​ആ​ർ​ഒ അ​റി​യി​ച്ചു.

സം​ഭ​വം ന​ട​ന്ന് 48 മ​ണി​ക്കൂ​റി​ന് ശേ​ഷ​വും നാ​വി​ക​സേ​ന​യു​ടെ​യും തീ​ര​സം​ര​ക്ഷ​ണ സേ​ന​യു​ടെ​യും ക​പ്പ​ലു​ക​ൾ തീ​യ​ണ​യ്‌​ക്കാ​നു​ള്ള തീ​വ്ര​ശ്ര​മം തു​ട​രു​ക​യാ​ണ്. തീ​ര​സം​ര​ക്ഷ​ണ സേ​ന​യു​ടെ സ​ചേ​ത്, അ​ർ​ണേ​ഷ്‌, സ​മു​ദ്ര​പ്ര​ഹ​രി, അ​ഭി​ന​വ്, രാ​ജ്ദൂ​ത്, സി144 ​എ​ന്നീ ക​പ്പ​ലു​ക​ളും മൂ​ന്ന് വി​മാ​ന​ങ്ങ​ളും നാ​വി​ക​സേ​ന​യു​ടെ സ​ത്‌​ല​ജ്‌ ക​പ്പ​ലു​മാ​ണ് ഉ​ദ്യ​മം തു​ട​രു​ന്ന​ത്‌.