“വേലിയ്ക്കകത്തേക്ക് അവസാനമായി അച്യുതാനന്ദൻ, വിലാപയാത്ര ജന്മനാട്ടിലെത്തി

തി​രു​വ​ന​ന്ത​പു​രം: അ​ന്ത​രി​ച്ച മു​ൻ മു​ഖ്യ​മ​ന്ത്രി​യും മു​തി​ർ​ന്ന സി​പി​എം നേ​താ​വു​മാ​യ വി.​എ​സ് അ​ച്യു​താ​ന​ന്ദ​ന്‍റെ ഭൗ​തി​ക ശ​രീ​രം വ​ഹി​ച്ചു​കൊ​ണ്ടു​ള്ള വി​ലാ​പ​യാ​ത്ര ആ​ല​പ്പു​ഴ ജി​ല്ല​യി​ൽ പ്ര​വേ​ശി​ച്ചു. 22 മണിക്കൂർ പിന്നിട്ടാണ് വി.എസിന്റെ ജന്മനാട്ടിലേക്ക് ഭൗതിക ശരീരം വഹിച്ചു കൊണ്ടുള്ള വിലാപയാത്ര എത്തുന്നത്. തിരുവനന്തപുരത്ത് നിന്ന് തുടങ്ങി 17 മ​ണി​ക്കൂ​ര്‍ പി​ന്നി​ടു​മ്പോ​ളാ​ണ് വി​ലാ​പ​യാ​ത്ര ആ​ല​പ്പു​ഴ ജി​ല്ല​യി​ൽ പ്രവേശിച്ചത്. ഏതാനം മണിക്കുറുകൾക്കുള്ളിൽ പ്രിയ വി.എസിന്റെ ഭൗതികശരീരം വേലിക്കകത്ത് വീട്ടിലേക്ക് എത്തും.

ക​ന​ത്ത മ​ഴ​യും പ്ര​തി​കൂ​ല സാ​ഹ​ച​ര്യ​ങ്ങ​ളെ​ല്ലാം അ​വ​ഗ​ണി​ച്ച് അ​ഭൂ​ത​പൂ​ര്‍​വ​മാ​യ ആ​ൾ​ക്കൂ​ട്ട​മാ​ണ് വി​എ​സി​ന് യാ​ത്ര​യ​യ​പ്പ് ന​ൽ​കാ​ൻ എ​ത്തു​ന്ന​ത്. കൊ​ല്ലം ജി​ല്ല​യി​ലു​ട​നീ​ളം ക​ന​ത്ത മ​ഴെ​യെ​യും അ​വ​ഗ​ണി​ച്ച് മു​ദ്രാ​വാ​ക്യ​ങ്ങ​ളു​മാ​യി നി​ര​വ​ധി പേ​രാ​ണ് വ​ഴി​യ​രി​കി​ൽ പ്രി​യ സ​ഖാ​വി​നെ അ​വ​സാ​ന​മാ​യി കാ​ണാ​നെ​ത്തി​യ​ത്.

ചൊ​വ്വാ​ഴ്ച ര​ണ്ട് മ​ണി​ക്ക് സെ​ക്ര​ട്ട​റി​യേ​റ്റി​ലെ ദ​ർ​ബാ​ർ ഹാ​ളി​ൽ നി​ന്നാ​ണ് വി​ലാ​പ​യാ​ത്ര പു​റ​പ്പെ​ട്ട​ത്. അ​തേ​സ​മ​യം, വി​എ​സി​ന്‍റെ സം​സ്കാ​ര ച​ട​ങ്ങു​ക​ളി​ൽ പ​ങ്കെ​ടു​ക്കാ​നാ​യി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ആ​ല​പ്പു​ഴ​യി​ലെ​ത്തി. ആ​ല​പ്പു​ഴ റെ​യി​ൽ​വേ സ്റ്റേ​ഷ​നി​ലെ​ത്തി​യ പി​ണ​റാ​യി താ​മ​സ​സ്ഥ​ല​ത്തേ​ക്ക് തി​രി​ച്ചു.