തിരുവനന്തപുരം: പോത്തൻകോട് ശാന്തിഗിരിക്ക് റമളാൻ സ്നേഹ സമ്മാനവുമായി ലുലു ഗ്രൂപ്പ് ചെയർമാൻ എം എ യൂസഫലി. ശാന്തിഗിരി ആശ്രമത്തിൽ ദിവസവും നടക്കുന്ന അന്നദാനത്തിനായി തുടർച്ചയായ നാലാം വർഷവും യൂസഫലി സഹായം നൽകി. ആശ്രമത്തിലെ അന്തേവാസികള്ക്കും സന്ദർശകർക്കും ഭക്ഷണം നല്കുന്നതിനായി ഇരുപത്തി അഞ്ചുലക്ഷം രൂപയാണ് യൂസഫലി കൈമാറിയത്.
ജാതി മത ഭേദമന്യേ ഓരോ ദിവസവും ആയിരക്കണക്കിനാളുകള്ക്ക് ശാന്തിഗിരിയില് അന്നദാനം നല്കുന്നുണ്ട്. വിശുദ്ധ റമളാൻ മാസത്തിൽ അന്നദാനത്തിനുള്ള പ്രത്യേക പുണ്യം കൂടി കണക്കിലെടുത്താണ് യൂസഫലിയുടെ സഹായം. എം എ യൂസഫലിക്ക് വേണ്ടി ലുലു ഗ്രൂപ്പ് ഡയറക്ടർ ജോയി ഷഡാനന്ദൻ, ആശ്രമം ജനറൽ സെക്രട്ടറി സ്വാമി ഗുരുരത്നം ജ്ഞാന തപസ്വിക്ക് 25 ലക്ഷം രൂപയുടെ ഡി ഡി കൈമാറി. സന്യാസത്തിൽ കാൽ നൂറ്റാണ്ടു പൂർത്തിയാക്കിയ സ്വാമി ഗുരുരത്നം ജ്ഞാന തപസ്വിക്ക് ലുലുഗ്രൂപ്പിന്റെ വക സ്നോഹോപഹാരവും കൈമാറി.
ഫോട്ടോ കാപ്ഷൻ: പോത്തൻകോട് ശാന്തിഗിരിയിലെ അന്നദാനത്തിനായി ലുലുഗ്രൂപ്പ് ചെയർമാൻ എം.എ.യൂസഫലി നൽകുന്ന ഇരുപത്തിയഞ്ച് ലക്ഷം രൂപയുടെ ഡിഡി, ലുലു ഗ്രൂപ്പ് ഡയറക്ടർ ജോയ് ഷഡാനന്ദൻ സ്വാമി ഗുരുരത്നം ജ്ഞാന തപസ്വിക്ക് കൈമാറുന്നു.
Leave feedback about this