വീ​ടി​നു​ള്ളി​ൽ അ​വ​ശ​നി​ല​യി​ൽ 19 വ​യ​സു​കാ​രി​യെ ക​ണ്ടെ​ത്തി​യ സം​ഭ​വ​ത്തി​ൽ ആ​ൺ സു​ഹൃ​ത്ത് ക​സ്റ്റ​ഡി​യി​ൽ; പെൺകുട്ടിയെ കണ്ടെത്തിയത് അർ​​ദ്ധ ന​ഗ്നയായി കൈകൾ ബന്ധിച്ച നിലയിൽ

കൊ​ച്ചി: വീ​ടി​നു​ള്ളി​ൽ അ​വ​ശ​നി​ല​യി​ൽ 19 വ​യ​സു​കാ​രി​യെ ക​ണ്ടെ​ത്തി​യ സം​ഭ​വ​ത്തി​ൽ ആ​ൺ സു​ഹൃ​ത്ത് ക​സ്റ്റ​ഡി​യി​ൽ. ചോ​റ്റാ​നി​ക്ക​ര​യിലാണ് ദാരുണ സംഭവം അരങ്ങേറിയത്. മുൻപ് പോക്സോ കേസിൽ അതിജീവിതയായ യുവതി വീട്ടിൽ ഒറ്റയ്ക്കാണ് താമസം. ദത്ത് എടുത്ത് വളർത്തിയ മകളുമായി അമ്മ അഭിപ്രായ വ്യത്യാസമുണ്ടായതോടെ യുവതിയിൽ നിന്ന് അകന്നാണ് മാതാവ് കഴിയുന്നത്.

അ​തീ​വ ഗു​രു​ത​രാ​വ​സ്ഥ​യി​ലു​ള്ള പെ​ൺ​കു​ട്ടി കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.ഞാ​യ​റാ​ഴ്ച​യാ​ണ് പെ​ൺ​കു​ട്ടി​യെ അ​ർ​ധ​ന​ഗ്ന​യാ​യി അ​വ​ശ​നി​ല​യി​ൽ ക​ണ്ടെ​ത്തി​യ​ത്. ക​ഴു​ത്തി​ൽ ക​യ​ർ മു​റു​കി പ​രി​ക്കേ​റ്റ നി​ല​യി​ലാ​യി​രു​ന്നു യു​വ​തി. ഇ​വ​രു​ടെ കൈ​യി​ലു​ണ്ടാ​യി​രു​ന്ന മു​റി​വി​ൽ ഉ​റു​മ്പ​രി​ച്ചി​രു​ന്നു.

പെ​ൺ​കു​ട്ടി മ​ർ​ദ​ന​ത്തി​നി​ര​യാ​യ​താ​യി പോ​ലീ​സ് പ​റ​യു​ന്നു. ക​സ്റ്റ​ഡി​യി​ലെ​ടു​ത്ത സു​ഹൃ​ത്ത് ത​ല്ലു​കേ​സി​ലെ പ്ര​തി​യാ​ണ്. ഇ​യാ​ൾ ക​യ​ർ ക​ഴു​ത്തി​ൽ കു​രു​ക്കി​യ​താ​ണോ എ​ന്ന് പോ​ലീ​സ് സം​ശ​യി​ക്കു​ന്നു​ണ്ട്.സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം തു​ട​ങ്ങി​യി​ട്ടു​ണ്ട്.ചോ​റ്റാ​നി​ക്ക​ര​യി​ലെ വീ​ട്ടി​ൽ ഒ​റ്റ​യ്ക്കാ​ണ് പെ​ൺ​കു​ട്ടി താ​മ​സി​ച്ചി​രു​ന്ന​ത്. ദ​ത്തെ​ടു​ത്ത് വ​ള​ർ​ത്തു​ന്ന പെ​ൺ​കു​ട്ടി​യു​മാ​യി വ​ഴ​ക്കാ​യി​രു​ന്ന​തി​ൽ അ​മ്മ മാ​റി​യാ​ണ് താ​മ​സി​ച്ചി​രു​ന്ന​ത്.

ശ​നി​യാ​ഴ്ച വൈ​കി​ട്ടാ​ണ് യു​വാ​വ് പെ​ൺ​കു​ട്ടി​യെ ആ​ക്ര​മി​ച്ച​തെ​ന്നാ​ണ് വി​വ​രം. എ​ന്നാ​ൽ ഞാ​യ​റാ​ഴ്ച വീ​ട്ടി​ലെ​ത്തി​യ ബ​ന്ധു​ക്ക​ളാ​ണ് അ​വ​ശ​നി​ല​യി​ൽ ക​ണ്ടെ​ത്തി​യ​ത്.അ​തേ​സ​മ​യം ആ​ക്ര​മ​ണ​ത്തി​ന് ഇ​ര​യാ​യ പെ​ൺ​കു​ട്ടി പോ​ക്സോ കേ​സി​ലെ അ​തി​ജീ​വി​ത​യാ​ണ്.2012​ലാ​ണ് കേ​സി​നാ​സ്പ​ദ​മാ​യ സം​ഭ​വം. ഇ​പ്പോ​ഴ​ത്തെ ആ​ക്ര​മ​ണ​ത്തി​ന് ആ ​കേ​സു​മാ​യി ബ​ന്ധ​മി​ല്ലെ​ന്നാ​ണ് വി​വ​രം