മംഗളൂരു: കൊല്ലൂർ മൂകാംബിക ദേവി ക്ഷേത്രത്തിൽ കുടുംബസമേതമെത്തി പ്രാർത്ഥിച്ച് കേന്ദ്രമന്ത്രി സുരേഷ് ഗോപി. ഐശ്വര്യത്തിനും സമാധാനത്തിനുമായി നവചണ്ഡികാ ഹോമം നടത്തുവാനും പങ്കെടുക്കുവാനും സാധിച്ചതായും അദ്ദേഹം സമൂഹമാധ്യമത്തിൽ പങ്കുവച്ച കുറിപ്പിൽ പറയുന്നു. ബെംഗളൂരുവില് നിന്നുള്ള മോദിജിയുടെ ഉറച്ച അനുഭാവിയായ പുരുഷോത്തം റെഡി നടത്തുന്ന നവ ചണ്ഡികാ ഹോമത്തിലേക്ക് പത്ത് ടൺ അരി സംഭാവന നൽകിയതായും പ്രധാനമന്ത്രി മോദിയുടെ പേരിലാണ് ഇത് നൽകിയതെന്നും അദ്ദേഹം കുറിപ്പിലൂടെ പരാമർശിക്കുന്നു.
ഫേസ്ബുക്ക് കുറിപ്പിന്റെ പൂർണരൂപം:-
ലോകഗുരുവായ കൊല്ലൂര് മൂകാംബികാ ദേവിയുടെ സന്നിധിയിൽ ഐശ്വര്യത്തിനും സമാധാനത്തിനുമായി നവചണ്ഡികാ ഹോമം നടത്തുവാനും പങ്കെടുക്കുവാനും സാധിച്ചു. ഈ പുണ്യവേളയിൽ ബെംഗളൂരുവില് നിന്നുള്ള മോദിജിയുടെ ഉറച്ച അനുഭാവിയും, എന്റെ പ്രിയ സുഹൃത്തുമായ ശ്രീ പുരുഷോത്തം റെഡിഗാരു,നവചണ്ഡികാ ഹോമം നടക്കുന്ന ചടങ്ങിലേക്ക് 10 ടൺ ബാസ്മതി അരി നല്കുകയുണ്ടായി. എനിക്ക് അത് നമ്മുടെ പ്രിയങ്കരനായ ഭാരത പ്രധാനമന്ത്രി ശ്രീ നരേന്ദ്ര മോദിജിയുടെ പേരിലും നാളിലും,മൂകാംബികാ അമ്മക്ക് സമർപ്പിക്കാൻ സാധിച്ചത് വലിയൊരു അനുഗ്രഹമായി കാണുന്നു.
ഭാരതത്തിന്റെ ഐശ്വര്യത്തിനും ലോകനന്മയ്ക്കുമായി നമുക്ക് പ്രാർത്ഥിക്കാം
Leave feedback about this