വാട്സ്ആപ്പിൽ ഗംഭീര അപ്ഡേഷൻ എത്തിയിരിക്കുന്നു: ഇനി എച്ച്.ഡി ക്വാളിറ്റിയില് ഫോട്ടോസും, വീഡിയോസും അയക്കാം;
![Whatsapp](https://loginkerala.com/static/c1e/client/100596/uploaded/7b4e577b046a12938354fb0d3ed796bd.jpg)
വാട്സ്ആപ്പില് ഫോട്ടോ ഷെയറിംഗ് സംവിധാനം അപ്ഡേറ്റ് ചെയ്തതായി മാര്ക്ക് സക്കര്ബര്ഗ്. ഇനി മുതല് ഹൈഡെഫനിഷൻ (എച്ച്.ഡി) ഫോട്ടോകളും വീഡിയോയും വാട്സ്ആപ്പില് പങ്കുവെക്കാൻ കഴിയും.
എച്ച്.ഡി (2000X3000 പിക്സല്) സ്റ്റാൻഡേര്ഡ് (1365X2048 പിക്സല്) നിലവാരത്തിലുള്ള ഫോട്ടോകള് അയക്കാനായി ക്രോപ് ടൂളിനടുത്തായി ഒരു ഓപ്ഷനും ഉള്പ്പെടുത്തിയുട്ടുണ്ട്. ഇഷ്ടാനുസരണം വിവരണം നല്കി സ്റ്റിക്കര് നിര്മിക്കാനും പങ്കുവക്കാനും കഴിയുന്ന പുതിയ എ.ഐ ഫീച്ചറും വാട്സ്ആപ്പ് അവതരിപ്പിച്ചിട്ടുണ്ട്.
നിലവില് ഇത് ആൻഡ്രോയിഡ് ബീറ്റാ പതിപ്പിലാണ് ലഭ്യമാവുക. ബീറ്റാ ഉപയോക്താക്കള്ക്ക് വാട്സ്ആപ്പില് കീബോര്ഡ് തുറക്കുമ്പോൾ സ്റ്റിക്കര് ടാബിനുള്ളില് ക്രിയേറ്റ് ബട്ടണ് ഉണ്ടാകും.
ക്രിയേറ്റ് ബട്ടണില് ക്ലിക്ക് ചെയ്ത് ആവശ്യാനുസരണം വിവരണം നല്കി സ്റ്റിക്കര് നിര്മിക്കാം. ഓരോ ഫോട്ടോയിലും ഈ സംവിധാനം മാറ്റാവുന്നതിനാല് കണക്റ്റിവിറ്റിക്കനുസരിച്ച് ഫോട്ടോയുടെ ക്വാളിറ്റി മാറ്റാനാകും.
ഈ സംവിധാനത്തില് എൻഡ് ടു എൻഡ് എൻക്രിപ്ഷൻ സംവിധാനവും കമ്പനി നല്കുന്നുണ്ട്. അടുത്തിടെ ഒരു ഡിവൈസില് തന്നെ ഒന്നിലധികം വാട്സ്ആപ്പ് അക്കൗണ്ടുകള് ഉപയോഗിക്കാവുന്ന മള്ട്ടി അക്കൗണ്ട് ഫീച്ചര് വാട്സ്ആപ്പ് അവതരിപ്പിച്ചിരുന്നു.