2023-28 വരെയുള്ള ഇന്ത്യന്‍ ക്രിക്കറ്റ് മത്സരങ്ങളുടെ സംപ്രേക്ഷണ അവകാശം സ്വന്തമാക്കി വിയകോം18

ഇന്ത്യൻ ക്രിക്കറ്റ് ടീമിന്റെ അടുത്ത അഞ്ച് വർഷത്തേക്കുള്ള ആഭ്യന്തര, അന്തരാഷ്ട്ര മത്സരങ്ങളുടെ സംപ്രേക്ഷണ അവകാശങ്ങൾ   Viacom18 സ്വന്തമാക്കി. വയാകോം 18 മീഡിയ പ്രൈവറ്റ് ലിമിറ്റഡ് 2023 സെപ്തംബർ മുതൽ 2028 മാർച്ച് വരെ 5,963 കോടി രൂപയ്ക്കാണ് സംപ്രേഷണ അവകാശം  സ്വന്തമാക്കിയത്  

ഒരു മത്സരത്തിന് 67.8 കോടി രൂപവെച്ച് കണക്കാക്കി ഈ കാലയളവില്‍ ഇന്ത്യയുടെ 88 മത്സരങ്ങളാകും വിയകോം18 സംപ്രേക്ഷണം ചെയ്യുക. 
തുടർന്ന് 2028 മാര്‍ച്ചിന് കരാര്‍ അവസാനിക്കുമെന്നും ബിസിസിഐ സെക്രട്ടറി ജയ് ഷാ അറിയിച്ചു.

ഈ പുതിയ സംപ്രേക്ഷണ അവകാശത്തിന്റെ ഒരു പ്രധാന സവിശേഷത ഓസ്‌ട്രേലിയയ്ക്കും ഇംഗ്ലണ്ടിനുമെതിരായ മത്സരങ്ങളുടെ ഒരു പരമ്പര ഉൾപ്പെടുന്നുണ്ട എന്നതാണ്. പ്രത്യേകിച്ചും, അഞ്ച് ടെസ്റ്റ് മത്സരങ്ങൾ, ആറ് ഏകദിനങ്ങൾ (ഒഡിഐകൾ), പത്ത് ട്വന്റി 20 ഇന്റർനാഷണലുകൾ (ടി 20 ഐകൾ) എന്നിവ ഉൾപ്പെടുന്ന 21 മത്സരങ്ങൾക്ക് ഇന്ത്യ ഓസ്‌ട്രേലിയയെ ആതിഥേയത്വം വഹിക്കും.

കൂടാതെ, പത്ത് ടെസ്റ്റുകളും മൂന്ന് ഏകദിനങ്ങളും അഞ്ച് ടി20കളും ഉൾപ്പെടെ 18 മത്സരങ്ങളാണ് ഇംഗ്ലണ്ടിനെതിരെയുള്ളത്. ഈ കാലയളവിൽ ഷെഡ്യൂൾ ചെയ്ത മൊത്തം 25 ടെസ്റ്റുകൾ, 27 ഏകദിനങ്ങൾ, 36 ടി20കൾ എന്നിവയുടെ ഭാഗമാണ് ഈ മത്സരങ്ങൾ. ബിസിസിഐയും സ്റ്റാർ സ്‌പോർട്‌സ് നെറ്റ്‌വർക്കും തമ്മിലുള്ള നിലവിലെ ബ്രോഡ്‌കാസ്റ്റ് ഡീൽ 2023 മാർച്ചിൽ അവസാനിച്ചു  2018ല്‍ 6,138 കോടി രൂപയ്ക്ക് ഡിസ്‌നി സ്റ്റാര്‍ ആണ് സംപ്രേക്ഷണ അവകാശം നേടിയത്. ഇന്ത്യന്‍ ക്രിക്കറ്റ് ടീമിനെ രപിന്തുണച്ചതിന് സ്റ്റാര്‍ ഇന്ത്യയെയും ഡിസ്‌നിയെയും ജയ് ഷ നന്ദി അറിയിക്കുകയും ചെയ്തു.