കപിൽ ദേവിന് ഹൃദയാഘാതം

ഇന്ത്യൻ ക്രിക്കറ്റ് ഇതിഹാസം കപിൽ ദേവിനെ ദേഹാസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ചു. അദ്ദേഹത്തിന് ആൻജിയോപ്ലാസ്റ്റി ചെയ്തെന്നാണ് റിപ്പോർട്ട്. കപിലിൻെറ ആരോഗ്യസ്ഥിതിയുമായി ബന്ധപ്പെട്ട് കൂടുതൽ റിപ്പോർട്ടുകൾ പുറത്ത് വന്നിട്ടില്ല. മാധ്യമപ്രവർത്തകയായ ടീന താക്കറാണ് ട്വിറ്ററിലൂടെ വാർത്ത പുറത്തുവിട്ടത്.

ഡൽഹിയിലെ ആശുപത്രിയിലാണ് താരത്തെ പ്രവേശിപ്പിച്ചിരിക്കുന്നത്. കൊവിഡ് കാലത്തിന് തൊട്ട് മുമ്പ് വരെ കപിൽ ദേവ് എല്ലാ മേഖലകളിലും സജീവമായിരുന്നു. താരം എത്രയും പെട്ടെന്ന് ആരോഗ്യസ്ഥിതി വീണ്ടെടുത്ത് തിരികെവരട്ടെയെന്ന് ഗൌതം ഗംഭീർ, അനിൽ കുംബ്ലെ, സുരേഷ് റെയ്ന തുടങ്ങിയ പ്രമുഖ ക്രിക്കറ്റ് താരങ്ങൾ ട്വീറ്റ് ചെയ്തു.

Legendary cricketer Kapil Dev @therealkapildev suffers heart attack, undergoes angioplasty at a hospital in Delhi. Wishing him a speedy recovery.

— Teena Thacker (@Teensthack) October 23, 2020