സിലബസിൽ കെ കെ ശൈലജയുടെ ആത്മകഥ ഉള്പ്പെടുത്തിയ വിഷയം; സര്ക്കാരിനെയും സര്വകലാശാലയെയും പരിഹസിക്കുന്ന നടപടിയെന്ന് ജയരാജൻ
Aug 24, 2023, 18:02 IST
![E P JAYARAJAN](https://loginkerala.com/static/c1e/client/100596/uploaded/6e5d9eb707fcd8045e2a6f39e189d7bf.jpg)
കണ്ണൂർ സർവകലാശാല എം എ ഇംഗ്ലീഷ് സിലബസിൽ കെ കെ ശൈലജയുടെ ആത്മകഥ ഉള്പ്പെടുത്തിയ വിഷയത്തിൽ പ്രതികരണവുമായി എല്ഡിഎഫ് കണ്വീനര് ഇ പി ജയരാജൻ.
സര്ക്കാരിനെയും സര്വകലാശാലയെയും പരിഹസിക്കുന്ന നടപടിയെന്ന് ജയരാജൻ പ്രതികരിച്ചു. പാർട്ടിക്കോ കെ കെ ശൈലജയ്ക്കോ ഇതേക്കുറിച്ച് അറിയില്ല. ഒരു സിലബസിലും ഇടതുപക്ഷ മുന്നണി ഇടപെടാറില്ലെന്നും അദ്ദേഹം വ്യക്തമാക്കി. ആരാണ് ഇത് ചെയ്തത് എന്ന് സര്വകലാശാല പരിശോധിക്കണമെന്നും അദ്ദേഹം ആവശ്യപ്പെട്ടു.