വാഹനാപകടം; മാണി സി കാപ്പന്റെ പേഴ്സണല് സ്റ്റാഫ് മരിച്ചു
Dec 24, 2022, 12:01 IST
കോട്ടയം:പാലാ എംഎല്എ മാണി സി കാപ്പന്റെ പേഴ്സണല് സ്റ്റാഫംഗം വാഹനാപകടത്തില് മരിച്ചു. വള്ളിച്ചിറ തോട്ടപ്പള്ളില് രാഹുല് ജോബി(24) ആണ് മരിച്ചത്. ശനിയാഴ്ച പുലര്ച്ചെ 12.30ഓടെ ഏറ്റുമാനൂരില് വെച്ചായിരുന്നു അപകടം. രാഹുല് സഞ്ചരിച്ചിരുന്ന കാറില് ചരക്ക് കയറ്റിവന്ന എയ്സ് ട്രക്കിടിക്കുകയായിരുന്നു.
കാറിന്റെ പിന്സീറ്റില് രാഹുല് ഇരുന്ന ഭാഗത്താണ് ഇടിച്ചത്. ഗുരുതരമായി പരുക്കേറ്റ രാഹുലിനെ മെഡിക്കല് കോളജില് പ്രവേശിപ്പിച്ചുവെങ്കിലും ജീവന് രക്ഷിക്കാനായില്ല. പാലായിലെ ആശുപത്രിയില് ചികിത്സയിലുള്ള ബന്ധുവിന്റെ വീട്ടില് നിന്നും സാധനങ്ങള് എടുക്കാന് പോകും വഴി ഏറ്റുമാനൂര് ബൈപാസില് വച്ചായിരുന്നു അപകടം. ഒപ്പമുണ്ടായിരുന്ന രണ്ടു പേര്ക്കും പരിക്കേറ്റിട്ടുണ്ട്.