സമുദ്രോത്പന്നങ്ങളുടെയും രുചികരമായ മത്സ്യ വിഭവങ്ങളുടെയും വിസ്മയവുമായി ലുലു സീഫുഡ് ഫെസ്റ്റിവൽ

കൊച്ചി : നൂറിലധികം വ്യത്യസ്ത സമുദ്രോത്പന്നങ്ങളും രുചികരമായ മത്സ്യവിഭവങ്ങളുമായി സീഫുഡ് ഫെസ്റ്റിവലിന് കൊച്ചി ലുലു മാളിൽ തുടക്കമായി. പ്രദേശികമായ മത്സ്യഉത്പന്നങ്ങളുടെ പ്രോത്സാഹനത്തിനൊപ്പം ലോകത്തെ വിവിധയിടങ്ങളിലുള്ള മത്സ്യങ്ങളുടെ ശേഖരവും സീഫുഡ് ഫെസ്റ്റിലിലുണ്ട്. കൂടാതെ 25ൽ പരം മീൻ വിഭവങ്ങളുടെ പ്രത്യേക കൗണ്ടറുകളും സജ്ജീകരിച്ചിട്ടുണ്ട്.

വിവിധ രുചികൂട്ടിലാണ് സ്വാദിഷ്ഠമായ ഈ മീൻ വിഭവങ്ങൾ തയാറാക്കുന്നത്. ഇതിന് പുറമേ ഇരുപതിലധികം മീൻ വിഭവങ്ങൾ ഉൾപ്പെടുന്ന പ്രത്യേക സദ്യയും ലുലു ഫുഡ് കോർട്ടിൽ ഒരുക്കിയിട്ടുണ്ട്. രാവിലെ 11.30 മുതൽ വൈകിട്ട് മൂന്ന് മണി വരെ ഉപഭോക്താകൾക്ക് ഫുഡ് കോർട്ടിലെത്തി ഈ സ്പെഷ്യൽ സീഫുഡ് സദ്യ കഴിക്കാനാകും. സീഫുഡ് സദ്യ പ്രീബുക്കിങ്ങ് ചെയ്യാനുള്ള സൗകര്യം ലുലു ഹൈപ്പർമാർക്കറ്റ് പേജിൽ ലഭ്യമാണ്.