കേരള സ്കൂള് കലോത്സവം ഇത്തവണ കൊല്ലത്ത് വച്ച് നടക്കും; വിദ്യാഭ്യാസമന്ത്രി
Updated: Sep 18, 2023, 16:09 IST
തിരുവനന്തപുരം: കേരള സ്കൂള് കലോത്സവം ഇത്തവണ കൊല്ലത്ത് വച്ച് നടക്കുമെന്ന് വിദ്യാഭ്യാസമന്ത്രി വി ശിവന്കുട്ടി. ജനുവരി നാലുമുതല് എട്ടുവരെയായിരിക്കും കലോത്സവം. സംസ്ഥാന സ്കൂള് കായിക മേള ഒക്ടോബര് 16 മുതല് 20 വരെ തൃശൂരില് നടക്കും.
സ്പെഷ്യല് സ്കൂള് കലോത്സവം എറണാകുളത്തുവച്ചാണ്. നവംബര് 9, 11 തീയതികളിലാണ് കലോത്സവം. ശാസ്ത്രോത്സവവം നവംബര് 30 മുതല് ഡിസംബര് 3വരെ തിരുവനന്തപുരുത്ത് വച്ച് നടക്കുമെന്ന് മന്ത്രി ശിവന് കുട്ടി പറഞ്ഞു