മോസ്റ്റ് അഡ്മിയേര്ഡ് റീട്ടെയിലര് പുരസ്കാരം ലുലു ഗ്രൂപ്പിന്
ദുബായി: മിഡില് ഈസ്റ്റ് റീട്ടെയില് ഫോറത്തില് മികച്ച റീട്ടെയില് ഓര്ഗനൈസേഷനുകള്ക്കും ബ്രാന്ഡുകള്ക്കുമുള്ള വാര്ഷിക റീട്ടെയില് എം ഇ അവാര്ഡുകള് സ്വന്തമാക്കി ലുലു ഗ്രൂപ്പ്. ഈ വര്ഷത്തെ ''മോസ്റ്റ് അഡ്മിയേര്ഡ്'റീട്ടെയില് കമ്പനി' എന്ന ബഹുമതിയാണ് ലുലു ഗ്രൂപ്പിന് ലഭിച്ചത്. യു.എ.ഇ, സൗദി അറേബ്യ, ഒമാന്, കുവൈറ്റ്, ഈജിപ്ത് തുടങ്ങിയ രാജ്യങ്ങളിലെ റീട്ടെയിലര്മാരില് നിന്ന് 135-ലധികം നോമിനേഷനുകള് ലഭിച്ചു. ഇവയില് നിന്നാണ് ലുലു ഗ്രൂപ്പിന് വാര്ഷിക റീട്ടെയിലര് എം.ഇ അവാര്ഡ് സ്വന്തമായത്.
എല്ലാ നോമിനേഷനുകളും ഗ്ലോബല് വിദഗ്ധ-ജൂറി അംഗങ്ങളുടെ പാനല് അവലോകനം ചെയ്തു. മേഖലയിലുടനീളമുള്ള വിവിധ കമ്പനികളില് നിന്നുള്ള റീട്ടെയില് ലീഡര്മാര്ക്കായി 35-ലധികം അവാര്ഡുകള് നല്കി.ലുലു ഗ്രൂപ്പിന്റെ ഡയറക്ടര് സലിം എം.എ ജെയിംസ് വര്ഗീസ്, ലുലു ഗ്രൂപ്പ് ഇന്റര് നാഷണല് കമ്യൂണിക്കേഷന് ഡയറകടര് വി. നന്ദകുമാര്, തമ്പാന് കെ.പി എന്നിവര് ചേര്ന്ന് സൗദി റെഡ് സീ മാര്ക്കറ്റ്സ് ചെയര്മാന് മുഹമ്മദ് ഇഖ്ബാല് അലവിയില് നിന്ന് റീട്ടെയില് എം.ഇ അവാര്ഡ് ഏറ്റുവാങ്ങിയത്.
സ്റ്റോര് ലേഔട്ടുകള്, ഉല്പ്പന്ന ശ്രേണി, പ്രവര്ത്തന മികവ്, ഭൂമിശാസ്ത്രപരമായ സാന്നിധ്യം തുടങ്ങി ഏറ്റവും പുതിയ സാങ്കേതിക കണ്ടുപിടിത്തങ്ങളും വിപണനവും സ്വീകരിക്കുന്നതിലെ ചില്ലറ വില്പ്പനയിലെ എല്ലാ മേഖലകളിലും ലുലുവിന്റെ മഹത്തായ സംഭാവനകള് കണക്കിലെടുത്താണ് ബഹുമതിക്ക് ലുലുവിനെ തിരഞ്ഞെടുത്തത്. യുഎഇയുടെ ഭക്ഷ്യസുരക്ഷയിലും മേഖലയിലെ മുഴുവന് റീട്ടെയില് വ്യവസായത്തിന്റെ വികസനത്തിലും ലുലു വഹിച്ച മഹത്തായ പങ്കും ജൂറി എടുത്തുപറഞ്ഞു.
അപ്പാരല് ഗ്രൂപ്പ്, സിക്സ് സ്ട്രീറ്റ് എന്നിവയാണ് വിവിധ വിഭാഗങ്ങളിലെ മറ്റ് അവാര്ഡ് ജേതാക്കള്. ഇതുകൂടാതെ ലുലുവിനെ തേടി അവാര്ഡുകള് കൂടി എത്തി. ഏറ്റവും ഉത്തരവാദിത്തമുള്ള റീട്ടെയിലര് എന്ന പുരസ്കാരമാണ് രണ്ടാമതായി ലുലുവിനെ തേടിയെത്തിയത്. വര്ഷം മുഴുവനും ഗ്രൂപ്പിന്റെ വിവിധ സി.എസ്.ആര്, കമ്മ്യൂണിറ്റി സംരംഭങ്ങള്ക്കുള്ള അംഗീകാരമാണിത്. മികച്ച ഓമ്നിചാനല് റീട്ടെയിലര്: മേഖലയിലുടനീളമുള്ള 1.6 ദശലക്ഷത്തിലധികം ഷോപ്പര്മാര്ക്ക് ഓണ്ലൈനിലും ഓഫ്ലൈനിലും ഷോപ്പിംഗ് അനുഭവം പ്രദാനം ചെയ്യുന്ന മികച്ച റീട്ടെയില് ബ്രാന്ഡ് എന്ന നിലയിലാണ് ഈ പുരസ്കാരം ലുലുഗ്രൂപ്പിനെ തേടിയെത്തിയത്.
ലുലു ഗ്രൂപ്പിന്റെ ഡയറക്ടര് സലിം എം.എ ജെയിംസ് വര്ഗീസ്, ലുലു ഗ്രൂപ്പ് ഇന്റര് നാഷണല് കമ്യൂണിക്കേഷന് ഡയറകടര് വി. നന്ദകുമാര്, തമ്പാന് കെ.പി എന്നിവര്ക്കൊപ്പം സൗദി റെഡ് സീ മാര്ക്കറ്റ്സ് ചെയര്മാന് മുഹമ്മദ് ഇഖ്ബാല് അലവിയില് നിന്ന് റീട്ടെയില് എം.ഇ അവാര്ഡ് ഏറ്റുവാങ്ങുന്നു.