തൃത്താലയില് ഉറ്റസുഹൃത്തുക്കളെ കൊലപ്പെടുത്തിയ സംഭവം; പ്രതി മുസ്തഫയുടെ അറസ്റ്റ് രേഖപ്പെടുത്തി
Nov 4, 2023, 11:05 IST
![murder](https://loginkerala.com/static/c1e/client/100596/uploaded/7523480242e5e57ff731212a1f5c958d.jpg)
പാലക്കാട്: തൃത്താലയില് ഉറ്റസുഹൃത്തുക്കളെ കൊലപ്പെടുത്തിയ സംഭവത്തില് പ്രതി മുസ്തഫയുടെ അറസ്റ്റ് രേഖപ്പെടുത്തി. അന്സാര്, കബീര് എന്നീ യുവാക്കളാണ് കൊല്ലപ്പെട്ടത്. ഒരു കൊലപാതകത്തില് ഇന്നലെ രാത്രിയിലും രണ്ടാം കൊലപാതകത്തില് ഇന്ന് രാവിലെയുമായിട്ടാണ് അറസ്റ്റ് രേഖപ്പെടുത്തിയത്. കഴിഞ്ഞ വ്യാഴാഴ്ചയായിരുന്നു കേസിനാസ്പദമായ സംഭവം.
കഴുത്തിന് വെട്ടേറ്റ നിലയില് അന്സാര് ആശുപത്രിയിലെത്തുകയും വിദഗ്ധ ചികിത്സ ലഭിക്കുന്നതിന് മുമ്പ് മരണപ്പെടുകയുമായിരുന്നു. ഒരു ദിവസത്തിനിപ്പുറം കബീറിന്റെ മൃതദേഹം ഭാരതപ്പുഴയില് വെട്ടേറ്റ നിലയിലും കണ്ടെത്തുകയായിരുന്നു.