ഗ്രീഷ്മ കഷായത്തില് വിഷം കലര്ത്തി കൊന്നു; പാറശ്ശാല ഷാരോണ് വധക്കേസില് കുറ്റപത്രം സമര്പ്പിച്ചു
Jan 25, 2023, 14:10 IST
തിരുവനന്തപുരം: പാറശ്ശാല ഷാരോണ് വധക്കേസില് കുറ്റപത്രം സമര്പ്പിച്ച് അന്വേഷണ സംഘം. നെയ്യാറ്റിന്കര സെഷന്സ് കോടതിയിലാണ് പൊലീസ് കുറ്റപത്രം സമര്പ്പിച്ചിരിക്കുന്നത്. കാമുകനായിരുന്ന ഷാരോണിനെ ഒഴിവാക്കാന് കഷായത്തില് വിഷം കലര്ത്തി ഒന്നാം പ്രതി ഗ്രീഷ്മ കൊന്നതായാണ് കുറ്റപത്രത്തില് പറയുന്നത്. ഗ്രീഷ്മയെ അറസ്റ്റ് ചെയ്ത് 85 മത്തെ ദിവസമാണ് അന്വേഷണ സംഘം കുറ്റപത്രം സമര്പ്പിക്കുന്നത്.
കൊലപാതകം, തെളിവ് നശിപ്പിക്കല് എന്നീ കുറ്റങ്ങള്ക്ക് പുറമേ വിഷം നല്കാനായി പ്രലോഭിപ്പിച്ച് ഒരു സ്ഥലത്തേക്ക് വിളിച്ചുവരുത്തുന്നതിന് ഗ്രീഷ്മക്കെതിരെ 364മത് വകുപ്പും പൊലീസ് ചുമത്തിയിട്ടുണ്ട്. തെളിവ് നശിപ്പിച്ചത് ഗ്രീഷ്മയുടെ അമ്മ സിന്ധു, അമ്മാവന് നിര്മ്മല്കുമാരന് നായര് എന്നിവരെ രണ്ട് മൂന്നും പ്രതികളാക്കിയിട്ടുണ്ട്.