തൃശൂരില് ചിറയില് കുളിക്കാനിറങ്ങിയ നാല് കോളേജ് വിദ്യാര്ത്ഥികള് മുങ്ങിമരിച്ചു
![death](https://loginkerala.com/static/c1e/client/100596/uploaded/9fffd9ca387e48f05536a27bdf27e35c.jpg)
തൃശൂര്: പുത്തൂരിനടുത്ത് കൈനൂര് ചിറയില് കുളിക്കാനിറങ്ങിയ നാല് കോളേജ് വിദ്യാര്ത്ഥികള് മുങ്ങിമരിച്ചു. ഇന്ന് ഉച്ചയ്ക്ക് 2.45 നാണ് അപകടമുണ്ടായത്. കുറ്റൂര് സ്വദേശി അഭിന് ജോണ് (വിലങ്ങാടന് വീട്), അര്ജുന് കെ, പൂങ്കുന്നം സ്വദേശി നിവേദ് കൃഷ്ണ, വടൂക്കര സ്വദേശി സിയാദ് ഹുസൈന് (തോട്ടു പുറത്ത് ഹൗസ്) എന്നിവരാണ് മരിച്ചത്. അബി ജോണ് സെന്റ് എല്ത്തുരത്ത് സെന്റ് അലോഷ്യസ് കോളേജിലെ ഡിഗ്രി വിദ്യാര്ത്ഥിയും മറ്റുള്ളവര് തൃശൂര് സെന്റ് തോമസ് കോളേജിലെ ബിരുദ വിദ്യാര്ത്ഥികളുമാണ്.
ചിറയില് കുളിക്കാന് ഇറങ്ങിയപ്പോഴാണ് അപകടമുണ്ടായതെന്ന് പൊലീസ് പറയുന്നു. ഒഴുക്കില്പ്പെട്ട ഒരു വിദ്യാര്ത്ഥിയെ രക്ഷിക്കാന് ശ്രമിക്കുന്നതിനിടെയാണ് മറ്റുള്ളവരും അപകടത്തില്പ്പെട്ടത്. നാട്ടുകാര് ചേര്ന്ന് രക്ഷാപ്രവര്ത്തനത്തിന് ശ്രമിച്ചെങ്കിലും യുവാക്കളുടെ ജീവന് രക്ഷിക്കാനായില്ല. ഫയര്ഫോഴ്സ് എത്തിയാണ് മൃതദേഹങ്ങള് പുറത്തെടുത്തത്.