തലശ്ശേരി ഇരട്ട കൊലപാതക, കൊലപാതകത്തിലേക്ക് നയിച്ചത് ലഹരി വില്പന ചോദ്യം ചെയ്തതതിലുള്ള പ്രതികാരം; റിമാന്റ് റിപ്പോര്ട്ട്
Nov 26, 2022, 11:00 IST
കണ്ണൂര്: തലശ്ശേരി ഇരട്ട കൊലപാതകത്തിലേക്ക് നയിച്ചത് ലഹരി വില്പന ചോദ്യം ചെയ്തതതിലുള്ള പ്രതികാരവും പൊലീസ് പരിശോധനയിലെ സംശയവുമെന്ന് റിമാന്റ് റിപ്പോര്ട്ട്. കേസിലെ രണ്ടാം പ്രതി ജാക്സന്റെ വാഹനത്തില് കഞ്ചാവുണ്ടെന്ന സംശയത്തില് പൊലീസ് നേരത്തെ പരിശോധന നടത്തിയിരുന്നു. കൊല്ലപ്പെട്ട ഷമീറിന്റെ മകന് ഷാബിലാണ് ഈ വിവരം പൊലീസിന് കൈമാറിയതെന്ന് കരുതിയായിരുന്നു ആക്രമണമെന്നും റിമാന്റ് റിപ്പോര്ട്ടിലുണ്ട്.
അതേസമയം കൊലപാതകത്തിന് മറ്റു കാരണങ്ങള് ഉണ്ടോയെന്ന് പരിശോധിച്ചു വരികയാണെന്നും പൊലീസ് റിപ്പോട്ടില് വിശദീകരിക്കുന്നു. ഏഴ് പ്രതികളയും തലശ്ശേരി സെഷന്സ് കോടതി 14 ദിവസത്തേക്ക് റിമാന്റ് ചെയ്തിരിക്കുകയാണ്.